Codinto 1 11:3 - El Nuevo Testamento en matsés

³ Tantia. Nëidtsen chuinu: Dadan icbo Esuquidistu nec. Adecbidi aton chidon icbo aton bënë nec. Adecbidi Esuquidistun Icbo Nuquin Papa nec.

Codinto 1 11:3 Referans Kwoze

Codosas 3:18

Mibitedi: Esus tantiaquido yec nadec tabadta. Aton chido icquin min bënën chiacpadombuen nabanta. Nuquin Icbo Esuquidistu tantiaquid icquin aden nabanta.

Codosas 1:18

Adquid iquec abi tantiaquidtedishun Icbombo Esuquidistu nec. Adnubi abi tantiec iccuededquido aton dadabimbuecquid nec. Adquid yec Nuquin Papan Madombo ëndenquimboshë icpampidi matsesash uënëspanëdash. Adsho Nuquin Papan abia uincuenmeshun ambi uaidtedishun Icbo abentsëcquiobi icmepanëdash.

Codinto 1 3:23

Mibitedi Esuquidistuna nec. Esuquidistu Nuquin Papana nec.

Epeso 4:15

Nuquien tantiananec abimbo chuinanquido yec Esus tantiaquid nendac. Adquid yec caniacbimbuec Nuquin Icbo Esuquidistupadquid yanendac. Aidi abi tantiaquidon Icbombo nec.

Petedo 1 3:1

Tantia, chidobo. Bënëchoquid icsho mibitedi chuinu. Esus tantiaquid icquin min bënën chiacpadombuen nabanta. Esus tantiec ubi bëdambuec tabadsho issun Nuquin Papan Chiaid tantienquio icbuedëmbi cun bënën Esus tantiabentsiash. Mimbitsen Esus tantiabenta, quequin umbi chiambobi Esus tantiabentsiash, queshun min bënën chiacpadombuen nabanta.

Codosas 2:19

Aido Esusbëd abentsëc yacbimbuec tabadquidpenquio nec. Adquid icquin: Esuquidistu abi tantiaquidon Icbombo nec, quequin tantienquio iquec. Adecbidi Nuquin Papan tantiacpadquiec Esuquidistu tantiaquid dadpen yanash aton utsibobëd tantiananec nashunnanec aton Icbo padquid yanec, quequin tantiesa adquido nendac.

Codosas 2:10

Aidëmbi abitedishun Icbombo icquin Nuquin Papan chiacpaden abi tantiaquido bëdambuen namec. Nuquin Papabëd icquido aton chuiquidobëd yec ambi namiaidobëd Mayan Icsa Satanas yec quec aidtedishun Icbombo Esuquidistu nec.

Uanën dada uaid 14:28

Nëbimbobini Cun Pa yacno nidendac. Adtanequic chouaindabi, quequin umbi chuisho mibitedishun tantioc. Ubi adsho tantiash ubi tantiaquidombo yec cuishonquendac. Abi namequid yec nadatiambocquid aton Papabëd tabadec nidec. Aton Papa bëdamboshëcquidquio nec, quiash ubi tantiec cuishonquendac.

Mateo 28:18

Adsho issun Esusën anoentsëqui choquin naden ubitedi chuipondash: Ubipadquid utsi nibëdec. Nuquin Papan abitedishun Icbombo icmequin abuc icquidobëta nidaidën icquidotedi namequidquio icmioshibique.