Codinto 1 1:7 - El Nuevo Testamento en matsés

⁷ Adquido yec Nuquin Icbo Esuquidistu chouate uëshë caimbudec tabadec: Nuquin Papan tantiamiambocquid nebi, quetiapimbo mibitedi iquec.

Codinto 1 1:7 Referans Kwoze

Pidipos 3:20

Padnuen nuquitedi Nuquin Papabëd abuc tabadtequido nendac. Abi yacno buannuec abucuësh abi yacno tabadmianquid Nuquin Icbo Esuquidistu chosho isnuen cainec nuqui tabadec.

Petedo 2 3:12

Adombuen abitedimbo nibëdquionoc nëdëncaindac, queshun bëdambuec tabadquin utsibo tantiamequin ambi naid chuibanec mibitedi bëdambuec tabadta. Esus choan Nuquin Papan cuidquin ambi uaid abubëta nidaid nibëdanmequimbi aidën icquidtedi pichicaquin nibëdanmendac.

Ebedeo 9:28

Adecbidi matsesën icsambuen naidtedi bedshunash abided cuidadec Esus abentsequi uënëspanëdash. Adashic aidquiobidi padpidembuec nidaidën chouaindac. Matsesën icsambuen naidtedi bedshunash padpidec uënësnu, quenquio yec abi cainquidotedi abi yacno tabadmenuen bedec chouaindac.

Udas 1:21

Ënenquio icquin Nuquin Papan ubi tantiec, quequin tantiaquiota. Abi chote uëshën Nuquin Icbo Esuquidistu chosho isnuen aid cainec tabadnuna. Aidëmbi nuquitedi cuidte bunenquio icquin abi tantiameshun ënëdenquio icnuc abëdi tabadmendac.

Uan 1 3:2

Cun utsibo, Nuquin Papan: Cun bacuëbo nec, quequin tantiaidombo nuquitedi nec. Adquid icshobi Nuquin Papan nëbi: Nadquid icmendambi, quesho tantiabi nuqui iquec. Naden nuqui tantiec: Esuquidistu nidaidën padpidec chouasho isash: Adquidshenda caposh, quequin nuqui isquin tantiendac. Aden isash aidpadquid nuqui yanendac.

Petedo 1 4:13

Esuquidistu chieshënquin natiamenëdacpadombuembidi aid tantiaquido icsho ubitsen natiamec, quiash cuishonqueta. Abi yacno ubi buannuec nadatiambocquid yec Cun Icbo Esus padpidec choec, quiash aidbëd cuishonquequionosh bëdambuec tabadta.

Tito 2:13

Cun Icbo Esuquidistu ubi Nuquin Papa cuidmenquiocquid bëdamboshëcquid chote uëshë chonoc cuishonquendabi, quequin caimbudec bëdambuec tabadta, quequin chuiquin tantiameuata.

Doma 8:19

Aden Nuquin Papan: Nëid cun mado nec. Nëid cun champi nec, quequin abitedi ismete uëshë cainec ambi uaidtedi: ¿Nëbimbobida napeba? quequin cainec tabadec.

Ducas 17:30

Aden chiashic: Umbi chuibocpadquiec matses icsambuecshë tabadendac. Adnubini Matsesën Tishaid yec chouaindac.

Petedo 1 5:4

Aden Esus tantiaquido chuibanquidën bëdambuen nabannubien aton Chuiquid Tapambo yec Nuquin Icbon nidaidën padpidec chouashun utsibo ismequin: Mimbi bëdambuen nabanoc, queshun chunidtiapimbo ictequid shocosh mauete bëdamboshëcquid mibitedi menendac.

Petedo 1 1:13

Aden umbi chuibued tantiashun Esus tantiaquido icquin bëdambuen chiaidquio tantiata. Mibi icsate bunacpadec icsainquio yec tabadta. Nuquin Papa bëdamboshëcquid icquin abi yacno tabadmenuen: Bedtan, cac Esuquidistun chouashun abi tantiaquido beduanendac, quequin ënenquio icquin tantiata.

Timoteo 2 4:8

Adec tabadec uënësacshobini matsesën naid abitedimbo tantiaquin cuidnun chuiquid icquin Nuquin Icbobëtan Nuquin Papan: Umbi chiacpadec mibi bëdambuec tabadoque. Ubi yacno ubëdi tabadmequin chuiquidën mauete bëdamboshëcquid meniacbimbuen mibi bëdamboshë icmendambi, caindac. Abi chote uëshën choshon aden Nuquin Icbon ubi chiendac. Adembidi abi chosho iste bunquioquin abi cainquidotedi Nuquin Icbon bëdamboshë icmequin abëdi tabadmendac.

Tesadonica 2 1:7

Aden nuqui natiamequin chieshënquido Nuquin Papan cuidendac. Adoac nuqui natiametiapimbo iquendac. Abëd icquido ambi nadatiambocquin namiaidobëd cute nëdënquequidbimbuec isadec abucuësh choshon Nuquin Icbo Esusën adoendac.

Tesadonica 1 1:10

Adshumbic: Nuquin Papa yacnouësh aton mado Esus nidaidën padpidec chosho istiadquio iquebi. Ubi cuidmenquio icnuec abided cuidadec uënësacsho Nuquin Papan uincuenmiaid Esus choec, queshun aidquio tantiabenac caosh, quequin mibitedishun naid chioshi.

Codosas 3:4

Adoaido yec Esuquidistu padpidec choshon abi yacno buanshun abipadquid icmiac mibitsen bëchamauanquiec iquendac.

Codinto 1 4:5

Adquid icnuc utsibo isquin: Aid Icsambuen naquid nec, cainda. Nuquin Icbo choshombien icsambocquid cuidendac, quequin aid cainta. Aidëmbi matsesën ompodshon naidbëta ëquëducshun tantiaid chuibanquin tantiameshun cuidendac. Adoshombic utsibo chuiquin: Mibi bëdambuec tabadoc, quequin abentse abentsen chuibanquin Nuquin Papan bëdambocquid menebanendac.

Mateo 25:1

Adshumbic Esusën utsi chiacbimbuen chuiquin Nuquin Papan namiacnouësh abi chote uëshë tantienquio icte chuipondash: Tantia. Mibitedi chuinu. Chidon dadan bedabicquido 10tedshun: Aton chido bedtanec choquid bëquedtannu, queshun aton tabote bëchin taboadquid icbo icbuen buannuen sanambededposh.

Codinto 2 12:13

Esuquidistu tantiec iccuededquid utsibon ubi tantiaquin nashunquin piucquid meniac ¿bedquindambi mibi chieshmedionda? Mibëdi tabadec bunec: Bec cho, quenquio iccondabique. Ubi bëdambuen ista.

Doma 8:23

Adembidi nuquitedi natiamiac natiec tabadquid icshobi: Nëid Cun Mayambëd tabadquid nec, queshun Nuquin Papan bëdambuen isquin: Cun madobëd cun champi nec, queshun ambi tantiaid uëshën Nuquin Papan ubi uënëstiapimbo icquid icmendac, quequin tantiaquin natiamiaqui chieshtoenquio icquin nuquin dada chuca uate nuqui cainec.

Cadasia 5:5

Padnuen nuquitedi Nuquin Papan Mayanën tantiamiac naden nuqui tantiec: Esuquidistu uidtsëqui tantiasho Nuquin Papan icsaisabimbuecnuc nuqui bëdambuen isec, quequin nuqui tantiec.