Cadasia 6:10 - El Nuevo Testamento en matsés

¹⁰ Adotequid icnuc bëdambuec tabadquin Esus tantiaquidobëta utsibo bëdambuen isquin nashunnuna. Adecbidi Esus tantiaquido yec tantiananquiec nashunnanquionona.

Cadasia 6:10 Referans Kwoze

Ebedeo 13:16

Aden bëshunenquio icquin chiannec utsibobëd tantiananec nashunnanquin atona nibëdquid icsho menequid icta. Adsho issun nëish iua cuessunneshun pichicaid isacbimbuecnuc Nuquin Papan: Bëdambo iquec, caindac.

Tesadonica 1 5:15

Utsin icsambuen chuishunquin chieshënac cuidnante bunsho: Padi. Esus tantiaquid adesa neque. Bëdambuec tabadnuna, cata. Mibëtan Esus tantiaquidobëd bëdambuec isnanquin utsibotsen bëdambuen ista.

Tito 3:8

Umbi: Aden chuita, quequin chiaidtedi abimbo chiaid nec, Tito. Aid tantiaquin ënenquio icquin chuibanta. Nuquin Papa tantiaquido yec ma bëdambuen nabanec tabadnu, quequin umbi chiacpadombuen Nuquin Papa tantiaquidtedishun nac bëdambo ictsiash, queshun chuibanta.

Mateo 25:40

Adoac naden abitedishun Icbombo icquin chiendambi: Tantia. Mibitedi chuinu. Umbi chiacpadombuen atona nibëdquido utsibon bëdambuen istiapimbocquido mimbi nashundednec. Aden ubi nashunacbimbuembi mimbi aido nashundedneque. Ubëdi tabadec cho, caindambi.

Ebedeo 6:10

Abi tantiaquid icquin utsibo tantiaquin mibitedishun nashundennesho issun Nuquin Papan ambi tantiacpadombuen naquid icquin mimbi nabanaidtedi bëshunenquio icquin tantiendac.

Epeso 2:19

Adquid iquec mibitedi isadaidpembo icbuedi nëbi Nuquin Papan Cun matses caido yanash ënden Nuquin Papan Cun matses canëdaidobëd tabadtequido mibitedi nendac. Nuquin Papan shubun icquidobimbuecquido mibi nec.

Uanën dada uaid 12:35

Adoaquien Esusën: Nadquid nebi, quenquio icquin utsi chiacbimbuen naden chuipondash: Mibi bëdambuen tantiamequid nëbi abi mibëd iqueque. Aid tantiata. Adbuedi uëshë budacbimbuec isadenquio yanendac. Aid nibëdnuc inchëshën tantienquio yec capuacbimbuen mimbi bëdambuen tantienquio iquendac.

Ducas 6:35

Tantia. Mibitedi chuinu. Mibi chieshënquidobi tantiaquin bëdambuen nashunta. Adembidi: Mitsana bec cho, quesho: Iuecshun aidpadquid ubi meneuata, quenquio icquin meneta. Mimbi adosho issun Nuquin Papan bëdambuen isquin bëdamboshëcquid mibi menendac. Ambi icsambuen naquidobi nashunacpadombuen nashunsho issun mibitedi Nuquin Papan: Cun mado nec. Cun champi nec, caindac.

Uanën dada uaid 9:4

Nëbi ubi chomiondaid Cun Pan chiacpadombuen naic chonoadnuna. Ubi Nuquin Papa yacno nidabi icnuc aden nanuna. Inchëshnuc chonoadtiapimbo yacbimbuec ubi nidan ubëd mibitedi chonoadtiapimbo iquendac.

Tito 2:14

Nuqui cainaid nuqui icsambuen naidtedi bedshunec abided cuidadec Esus uënëspanëdash. Adec uënësaid tantiaquid yansho: Cun matses caido yec bëdambuec tabadquid nendac, quequin chiaid tantiameta, Tito.

Pidipos 4:10

Nëbi mimbi bëmiaid bedash cuishonquec bëdambo iquebi. Ënden aden meniondashumbic nëbi iuectanneshun ubi tantiaquin mimbi meniaid bëuacsho bedombi. Nuquin Icbon tantiamiacpadombuen: Padpiden menenuna, queshun piucquid bëmiac, quiash bëdambo iquebi. Ubi tantienquio yanondash ¿quequindambi mibitedi tantiape? Padenquio. Buanquid nibëdnuc niondash, quequin tantiombi.

Mateo 12:50

Cun Pa abuc tabadquidën chiacpadombuen nabanec tabadquid icsho dada cun utsibo caquimbi chido cun chu catanquimbi utsi cun ta caimbi, quepondash Esus.

Uan 3 1:11

Tantia. Cun utsi Cayo umbi tantiaidquio icsho mibi chuinu. Icsambuen naquidën nacpaden naic icsainda. Bëdambuen naquid Nuquin Papa tantiaquid neque. Bëdambuen nata. Icsambuen naquid: Nuquin Papa iquec, quequin tantiesa nec.

Codosas 4:5

Esus tantiesabon ubi tabadsho isec, quiash Esus tantiec bëdambuec tabadta. Adec tabadquin Esus tantiesatsen chieshtomenquio icquin tantiamenu, quequin Esuquidistun chiaidquio chuibanta.

Epeso 5:16

Icsambuen naquido dadpen iqueque. Aidpadquid iquenda. Bëdambuen nabandednequidquio icta.

Uan 1 5:1

Nuquin Papan nidaidën chomiaid Mesias caid Esuquidistu nec, quequin tantiaquid Nuquin Papan: Cun bacuëbo nec, caido nendac. Matses caic: Amë tantiaquin aton bacuëbotsen tantiaquid nec.

Ebedeo 3:6

Padnuen Esuquidistu Nuquin Papan Madombo nec. Adquid icquin aton Papan shubun icquido namequid nec. Aden aton shubun icquido dayun uacbimbuen nuqui dayun uaindac. Adoac aidën shubun icquidbimbuecquid nebi, queshun chieshtoenquio icquin Nuquin Papan chiacpadombuen nuqui naindac. Aden naquido icsho abi yacno nuqui tabadmendac, quiash cuishonquequin abi cainquido Esusën dayun uaindac.

Madcos 3:4

Adoac choec nënantanquio mëicsatsaid nidtuidnubi ambo iccuededquido chiec Esus: Chonoadtemaid uëshën matses tantiaquin bëdambuen naquimbi ¿matses icsa uapendambi ique? ¿Nëid uëshëndambi matses bëdanmenquio icpe? ¿Bëdanmenquio icquindambi: Ma adequi uënësnu, cape? quepanëdash Esus. Aden chuisho tantiash ëcbedenquio yec padiseobo tabadpanëdash.

Mateo 5:43

Adshumbic abi macuësh tapa poctse tsadquin bëdambuec tabadte Esusën naden chuibampanëdash: Nuquin Papan Moises chuiquin dada uamiampid mimbi tantiaid nad iquec: Mibi anoentsëqui tabadquid tantiaquin mibi chieshënquido chieshënta, quequin chuipampic.

Mateo 10:25

Tantiamiac tantiabenash abi tantiamequidbimbuec icac bëdambo ictsiash. Adecbidi iua aton icbobimbuecbidi icac bëdambo icuatsiash. Aden umbi chiacpadombuen nate bunquid icsho mibitsen icsambuen chuishunquin chieshënendac. Ma podobitsi icsan icbo Bedsebu caid neyoc ¿cainquiodabi ictiosh? Adembidi mibitsen chieshënendac, quequin chuipondash Esusën ubitedi chuiquin.

Hechos 6:7

Adshun Edusaden yacnoshon Esus chuibennequidon Nuquin Papan Chiaid chuibennesho tantiash utsi utsiec Esus tantiaquid dadpen yampanëdash. Adecbidi isadaidbo nëish iua cuessunneshun pichicaquido dadpen bëdambuen tantiash Esus tantiaquido yampanëdash.

Cadasia 1:23

Aidon: Nuquipadquid Esus tantiaquido cuessun secamiondaidëmbi Esusën naid Chiaid Bëda chuibenniosh, quequin umbi naid chuishouidi tantiapanëdash.

Epeso 4:28

Ampequid icbuedëmbi ampenda. Adquid icbuedi chonoadquin mitsana bedshun utsina nibëdsho issun mosuc menequid icta.

Tesadonica 1 5:21

Adoenquio icquin: ¿Nuquin Papan Chiaidquiobida chuibaneque? Tantiabono, cata. Aden tantiashun Nuquin Papan Chiaidquio isbanta. Aden isbanshun abimbo chiaid icsho issun: Ai, Nuquin Papan Chiaidquiobi chiec niosh, quequin aidën chuisho bëdambuen tantiata.

Petedo 1 2:5

Aden Esus tantiaquido yec buintad tsasimbocquid yacbimbuecquido mibitedi nec. Adquid icsho Nuquin Papan aton shubun tabadtequido mibitedi icmendac. Adoac: Nuquin Papa bëdamboshë iqueque. Aidën chiacpadombuenuidi nate bunebi, queshun Esuquidistu uidtsëqui tantiec bëdambuec tabadquid mibi yanendac. Adsho isash nuadte bëda pichicasho shëdacbimbuec: Bëdambo iquec, quependac Nuquin Papa.

Petedo 1 4:17

Nuquin Papan matsesën naidtedi tantiaquin cuidte uëshë nëbi yannuc Esus tantiaquid icquimbi icsambuen naquid icsho mibi natiamendac. Adsho issun chieshëmënquidën natiamiac umbi tantiacpadombuen ambi icsambuen naid ëntsiash, queshun mibitedi Nuquin Papan: Natiamenda, cainquio iquec. Aden abi tantiaquidoba natiametequid icquin ¿abi tantiesabo icquin Esusën naid Chiaid Bëda niacniacquid icsho bëdiactsëcta cuidpec? Cumapenquien Nuquin Papan cuidendac.

Uan 3 1:3

Mibëd icquidon nëmbo choshon naden chioshi: Esuquidistun chiacpadombuen nabanec tabadquid Cayo nec, quequin chuibanoshi. Aden chuisho tantiabosh bëdambo iquec cuishonquec tsadebi.

Uan 3 1:10

Mibi yacno nidshun ubitedi icsambuen chuishunquin muaquin chuibennequid icsho chomeshun Diotedepes chiendambi. Aidi Esuquidistu tantiaquid utsibo iuedesa nec. Utsi: Aido iuednu, quesho tantiash: Padi. Iuedenda, quec iuedmianesa Diotedepes nec. Adembidi: Iuednu, quequido icsho Esus tantiaquid utsi cuenmequin cuëshëdmequid aidi nec.

Codinto 2 2:8

Nuquibi bëdambo iccuedednuna, quequin aid tantiaquin iued, caimbi.