Cadasia 5:4 - El Nuevo Testamento en matsés

⁴ Mibitedi Nuquin Papan: Naden nata, quequin Moises chiampid tantiaquin nasho Nuquin Papan ubitedi bëdambuen isec, quebuedi Esuquidistubëd cuëshëdsho Nuquin Papan mibi bëdambuen istiapimbo iquendac.

Cadasia 5:4 Referans Kwoze

Doma 11:6

Aden tantiec Nuquin Papa bëdambocquid icquin ambi chiacpadombuen naquid nibëdsho bëdambuen istiapimbo icbuedëmbi ambi tantiactedishun icsambuen nabuedombi abi tantiasho Nuquin Papan bëdambuen isendac.

Ebedeo 12:15

Nuquin Papan bëdambuen isaid icquimbi chieshtoshon icsambuen nasho issun: Mibi icsambuec tabadeque. Adec tabadquin ismequin cute podo icsa chodcashun acmiacbimbuen mimbi utsibo icsambuen nametsiaque. Padi. Aden naic tabadenda, quequin chuiban.

Cadasia 2:21

Nuquin Papan: Matses bëdambuen isendambi, quequin Chiaid niactiapimbo iquebi. Moisesën dada uaquin chiampid tantiaquin aidën chiacpadombuenuidi naic Nuquin Papabëd tabadtequid icnuc Esuquidistu abembi uënëstsempanëdash.

Doma 3:20

Aden Ambi Chiaid niaquesambo nibëdnuc: Ambi Chiaidtedi naquidquio nebi, quesho Nuquin Papan ubi bëdambuen isec, quequin nuquitedi abimbo chuitiapimbo iquec. Nuquin Papan Chiaid issun: Ambi Chiaid niac niaquec icsambuen naiquien nuquitedi tabadchitec, quequin tantiamenuen Nuquin Papan: Naden nata, quequin chuiquin Moises dada uamiampid nec.

Esusën Uan ismiaid 2:5

Aden umbi chuibued tantiash: Ai, abimbo caic. Aden icsambuen naiquini icsachitoc, queshun mimbi icsambuen naid ënshun tauambuen mimbi Nuquin Papabëta ubi tantiondacpadombuembidi ubi tantiabenuata. Adoenquio icshoembi mibi cuidquin tabote manitsintequid bedshunendac.

Cadasia 5:2

Pabado nebi. Tantia. Chuinu. Moisesën chiactedi naquid Nuquin Papan bëdambuen istsiash, queshun shui dëbid dëtemenda. Aden naquid icsho Esuquidistun mibitedi bëdambuen istiapimbo iqueque. Aden nainda.

Ebedeo 4:1

Adec nuquin tsusedpabo Nuquin Papa tantienquio yec tabadash aidën chiacno tabadambo icpampic. Nëbi Nuquin Papan chiampicpadombuen chiembique. Chuinu. Tantia. Ubi yacno puduedash natienquio yec ubëd tabadtequid mibitedi iquendac, quequin chiampid icnuc aid yacno aidbëd tabadtiapimbo icchitomane, queshun Esuquidistu tantiaquionona.