Cadasia 4:18 - El Nuevo Testamento en matsés

¹⁸ Utsibon mibitedi tantiaquin bëdambuen namenuen chuibansho tantiac bëdambo ictsiash. Umbi chuibansho mimbi bëdambuen tantiondac. Adembidi ubi nibëdnubi ënenquio icquin tantiac bëdambo ictsiash.

Cadasia 4:18 Referans Kwoze

Pidipos 2:12

Cun utsibo, umbi tantiaido mibitedi neque. Tantia. Chuinu. Ubëd tabadquin umbi chiacpadombuen mimbi nadedniondacpadombuen ubi uanno nidan adembidi bëdambuen nata. Nuquin Papa dacuëdampambo icquidën chiaid niacmane, quiash aidën chiacpadombuen naic aidbëd tabadnush bëdambuec tabadta.

Esusën Uan ismiaid 3:19

Mimbi icsambuen naic, quequin aton papan aton bacuë ënmiacbimbuen ubi tantiaquidon icsambuen nasho issun: Ambi icsambuen naid ënmenu, quequin natiambo icmembique. Nuquin Papabëta ubi padpidembuen tantiabenuaquin mimbi icsambuen naid ënash bëdambuec tabadta.

Tito 2:14

Nuqui cainaid nuqui icsambuen naidtedi bedshunec abided cuidadec Esus uënëspanëdash. Adec uënësaid tantiaquid yansho: Cun matses caido yec bëdambuec tabadquid nendac, quequin chiaid tantiameta, Tito.

Pidipos 1:27

Naden mibitedi chuinu: Esuquidistun chiacpadec chieshtoenquio yec bëdambuec tabadta. Mibi yacno nidshun bëdambuec tabadsho isash: Umbi Esuquidistun naid chuibanac tantiabenondaido nec, quetsiabi. Adembidi mibitedi istanquidon mimbi naid chiec: Chieshtoenquio icquin Esus tantiec abentsëc yacbimbuec bëdambuec tabadosh. Adecbidi chieshtoenquioquin Esusën naid chuibansho tantiec bëdambuec tabadosh, quequin chuisho tantiate bunebi.

Cadasia 4:13

Mimbi tantiaid chuinu. Mibi yacno tauambuec nidshun nënquimbi iuec tabadquin mibitedi tantiamequin Esusën naid Chiaid Bëda chuibanondambi.

Codinto 1 15:58

Cun utsibo, umbi tantiaido icsho mibitedi chuinu. Umbi chuibambued utsi uainquiocquin tantiec chieshtoenquio yec chonoadbudec tabadquin Nuquin Icbo Esuquidistu ënenquio icquin nashunec tabadta. Nuquin Icbo Esuquidistubëd abentsëc yacbimbuec tabadquin nabanec chonoadaid ambembi nabanaidpenquio nec, quequin mimbi tantiec.

Uanën dada uaid 2:17

Aden nicasho issun naden Nuquin Papan Chiaid chuiquin cun tsusedpan dada uampid tantiapondambi: Cun Pa tabadte shubu cudasquidquio nebi, quequin Esusën nate chiampid abëd icquid utsibobëtan tantiabededpondambi.

Cadasia 4:20

Nëbimbobi mibi bëisquioquin mibitedi bëdambuen tantiamequin chuinu. Nidmepashuni, quequin tantiembi. Mibëd iquenquio icquimbi: ¿Mitsipadec tabadpeba? quequin tantiaquin bëisquioquin chushcacbimbuen mibitedi chiec nebi.

Cadasia 4:17

Mibitedi abimbo chienquio icquidon Moisesën chiampicpadombuen namequin icsametiadquio iqueque. Ista. ¿Mibitedi tantiaquioquin bëdambuen namenuenda chuipec? Padenquio. Ubëd cuëshëdmequin abibi tantiamenuen chuibanec neque. Aidon chiaid tantienda.