Cadasia 4:14 - El Nuevo Testamento en matsés

¹⁴ Nënec ubi chosho isash cacunmianenquio mibitedi iccondac. Ubi Nuquin Papabëd icquidbimbuec chosho isash mibitedi cuishonquiondac. Adecbidi Esuquidistubimbuec chosho isash mibitedi adondac.

Cadasia 4:14 Referans Kwoze

Mateo 10:40

Adshumbic Esusën ubitedi padpiden naden chuipondash: Mibi bëdambuen isquidën ubi bëdambuen isendac. Ubi bëdambuen isquidën ubi chomequidtsen bëdambuen isendac.

Tesadonica 1 2:13

Aden Nuquin Papan Chiaidquio umbi chuibanac: Ambembi chiaidpenquio chuibanosh. Ma Nuquin Papan Chiaidquio Pabadon chuibamboc, mibitedi quianondac. Ai, aden Nuquin Papan Chiaidquio tantiash Esus tantiaquido yanash aidquiobidi chuisho tantiash mibi bëdambo yanec. Adec mibitedi bëdambuec tabadaid tantiaquin Nuquin Papa naden chiannembi: Tesadonica yacnocquido bëdambuec tabadmequid yec mibi bëdamboshë iquec, Papa, quequin Nuquin Papa chiannembi.

Ebedeo 13:2

Shubu utsi yacnouësh choquid bëdambuen isquin iuedshun mibi yacno ushmeta. Aden nate bëshunenda. Aden nashunquin utsin utsinquien: Nuquin Papabëd icquido aid yacnouësh choquido nëido nec, quequin tantienquio icquin matses danquin aton shubun iuedshun ushmepanëdash.

Codinto 2 5:20

Esuquidistun: Umbi naid chuibenneta, caido ubitedi nebi. Adquido icquin umbi chuibannubi Nuquin Papan: Aidon chiaid tantiata, caido icquin abi tantiaquid yanshun: Umbi icsambuen naid bedshunash Esuquidistu abided cuidadpanëdash, quequin Nuquin Papabëd tabadte bunquin mimbi icsambuen naid ënshun Esuquidistu tantiaquiota.

Tesadonica 1 4:8

Aden chuisho tantiashun umbi chuibambued niacquin matsesën chiaidpenquio mibitedishun niaquendac. Aton Mayan nuqui menequidën Nuquin Papan Chiaidquio mimbi niaquendac.

Cadasia 4:13

Mimbi tantiaid chuinu. Mibi yacno tauambuec nidshun nënquimbi iuec tabadquin mibitedi tantiamequin Esusën naid Chiaid Bëda chuibanondambi.

Codinto 1 4:10

Ubitedi Esuquidistun: Ubi chuibennequid icta, caido icquin chuibansho tantiash: Ambembi chiec onquequido nec, quepec. Mibitedien Esus tantiaquido icsho: Bëdambuen tantiaquidquio nec, quequin mibi tantiec. Ubitedi caic: Tantienquiocquid nec, quenubi mibitedi: Tantiaquidquio mibi nec, mimbi ubi capec. Matsesën ubitedi tantienquio icnubi mimbitedi ubi tantiaquiec.

Codinto 1 1:28

Aden utsibon chieshënquin: Tantienquiocquid nec, caidi Nuquin Papan tantiamiaido nec. Adembidi: Chuiquid tapa ictiapimbo iquec, caidi ambi tantiamiaidobidi nendac. Aden abi tantiesabo: Bëdambo iquec, camenquiocnuen abi tantiaquido icmendac.

Uanën dada uaid 13:20

Tantia. Mibitedi abimbo chuinu. Mibi padquid umbi nidmiaidën umbi naid chuibansho tantiash: Ai, abimbo caic, queshun ubi tantiabenquimbi ubi chomequidtsen tantiabenendac, quepondash Esus.

Ducas 10:16

Aden chuishumbic ambi: Chuibennec nid, caido chiec: Mibitedishun chuibansho tantiaquido yec ubi tantiaquido nendac. Utsiboen mimbi chiaid tantiesabo yec ubi tantiesabo nendac. Aden ubi tantiesabo icquin ubi chomequid Nuquin Papa tantiesabotsen nendac, quequin Esusën chuipanëdash.

Mateo 25:40

Adoac naden abitedishun Icbombo icquin chiendambi: Tantia. Mibitedi chuinu. Umbi chiacpadombuen atona nibëdquido utsibon bëdambuen istiapimbocquido mimbi nashundednec. Aden ubi nashunacbimbuembi mimbi aido nashundedneque. Ubëdi tabadec cho, caindambi.

Mateo 18:5

Ubi tantiaquid icquin nadquid bacuë nashunquin ubi iuedquin nashunacbimbuecquid nendac, quepondash Esus.

Cadasia 3:26

Aden Esuquidistu tantiaquido yec mibitedi Nuquin Papan bacuëbo nec.

Cadasia 3:28

Isadaidbo yec isadaidpembo yec matses iuaido yec matses iuapenquio yec dada yec chido yec quequin Esus tantiaquid icsho bëdambuen isec. Nëbi mibëtan Esuquidistu tantiaquid utsibobëd abentsëc yacbimbuecquido nec.

Cadasia 4:15

¿Atotsi quiash cumapenec cuishonquiondaidi ënëdo? Min ëshë chicshun ubi mene, cac mimbi ubi menetsenondac. Aden mimbi ubi tantiaquiondac.