Cadasia 3:8 - El Nuevo Testamento en matsés

⁸ Isadaidpembotsen Nuquin Papa tantiaquido yanendac, quequin naden ëndenquimbo Nuquin Papan Abadauan chuipampic: Nidaid utsi utsiec yacno tabadquidontsen min tsiuecquid abentsëc tantiasho icsaisabimbuecnuc bëdambuen isendambi, quequin chiampid cun tsusedpan dada uapampic.

Cadasia 3:8 Referans Kwoze

Ebedeo 4:2

Aden Equipito yacnoshon buanaido chuiquin: Umbi buanacno mibi tabadte iquendac, quequin ambi nuquin tsusedpabo chiampicpadombuen: Ubi yacno puduedash natienquio yec tabadtequid iquendac, quequin nëbi ambi Chiaid Bëda Esusën naid chuibanuasho nuquitedi tantiauaic. Aden ëndenquimbo chuisho tantiash: Nuquin Papan Chiaid abimbo iquec, quequin tantienquio icquido yec aidën chiampicno tabadtiapimbo icpampic.

Cadasia 3:22

Adquid icnuc Nuquin Papan chuiquin dada uamiampid niac niacquido yec mëtaniacbimbuec matses abitedimbo icsambuec tabadquido nec. Adquid icbuedëmbi ambi Abadauan chiampicpadombuen naquin Esuquidistu uidtsëqui tantiasho Nuquin Papan bëdambuen isendac.

Cadasia 3:16

Nuquin Papan: Nadombuen naindambi, quequin Abadauan chuishumbic: Mibi nibëdanan iuecquimbo ictanneshun min tsiuecquid abentsëcshun matses bëdambo icmendac, quepampic. Min tsiuecquido, quenquio yec: Min tsiuecquid abentsëc, quequin Esuquidistu chiec nepampic.

Uanën dada uaid 7:38

Adsho Nuquin Papan chuiquin dada uamiampicpadombuen naindambi. Ubi tantiaquido icsho acte acmiac cuishonquiacbimbuecnuc bëdambo icmendambi, quepondash Esus.

Esusën Uan ismiaid 11:15

Nuquin Papabëd icquidën shoncate sanambuedën nainquin shoncaposh. Shoncanubien abucuësh cumapenec cuëdëncuededposh naden chiec: Nuquin Papa Ambi Chomiaid Nuquin Icbo Esuquidistubëd abitedishun Icbombo yec nidaidën icquidtedishun Chuiquid Tapambo nendac. Adquidquio icquin ënenquio icquin abitedimbo namendac.

Doma 9:30

Aden chiaid tantiash ¿atotsi nuqui quendac? Matses utsibon abi tantienquio icbuedombi ambi chiacpadombuen naquin tantiabensho icsaisabimbuecnuc bëdambuen isendac. Ambi chiacpadombuen naic tabadnu, quesabobi Nuquin Papan abi tantiasho icsaisabimbuecnuc isendac.

Doma 9:17

Ëndenquimbo Nuquin Papan Equipito yacnocquidon chuiquid tapa padaon caid naden chuipampic: Nadatiambo icquidquio nec, ma ubi canu, queshun mibi chuiquid tapa icmiondambi. Adquid icsho ma matses abitedishunquio ubi tantianu, quequin Nuquin Papan padaon chiaid Moisesën dada uapampic.

Cadasia 4:30

¿Mitsipaden Nuquin Papan chuipampic? Naden Abadauan chuipampic: Iuaidën madon iuacmaidën mado icsambuen chieshëneque. Min chidon iuaid aton madobëtabi cuenme, Umbi meniaid bëdambocquid yacno tabadmetiapimbo iquebique, quequin chuipampic.

Hechos 2:35

Mibi chieshënquidobi dëniacmeshun Cun Icbo mibi camenu, quequin Nuquin Papan Cun Icbo chiendac, quequin Dabidën chuipampic.

Uanën dada uaid 7:42

Nuquin Papan chuiquin dada uamiampid nad iquec: Nuquin Papan Chomiaid Mesias Quidistu caid nuquin tsusedpa Dabidën tsiuecquid nendac. Dabid tishampid shubu daëdpactsëcquid Beden caid yacnoshon aidi tishendac, quequin chuipampic. Aden chiampid icnuc Esus Quidistu ictiapimbo iquec, quepanëdash.

Uanën dada uaid 19:37

Adembidi: Ambi podo ansebued isec tabadendac, quequin Nuquin Papan Chiaid dada uapampic.