Cadasia 3:7 - El Nuevo Testamento en matsés

⁷ Adquid icnuc Nuquin Papa tantiaquidotedi Abadauanën tsiuecquido nec, quequin mibitedishun tantiata.

Cadasia 3:7 Referans Kwoze

Cadasia 3:9

Abi tantiaquidquio icsho ambi Abadauan bëdambuen isampicpadombuembidi nëbi ambi Chomiaid tantiaquido icsho Nuquin Papan bëdambuen isquin bëdambo icmendac.

Doma 4:24

Nuquitsen Nuquin Papan ambi bëdambuen iste tantiamenuen aden dada uamepampic. Nuquin Icbo Esus uënësacsho uincuenmiaid tantiasho Nuquin Papan nuquitsen bëdambuen isec.

Uanën dada uaid 8:39

Adsho tantiash: Abadauan cun pabimbuecquid nec, quepondash. Adshobien Esusën: Aidën madobimbuecquido icquin Abadauanën nanëdacpadombuen naquin mimbi bëdambuen natsiac.

Ducas 19:9

Adoaquien Esusën: Chian annëdënquequid yacno nësecatsembuedi aton tsusedpa Abadauanën tantiampicpaden tantiaquid yanacsho Saqueobëta aton shubun icquido mënchicaid nëbi iquec.

Ducas 21:31

Adombuembidi umbi chuibuedtedi yansho issun: Nuquin Papan namiacno matses tabadte uëshë nëbi yanec, quequin mimbi tantiendac.

Ebedeo 13:23

Tantia. Mibitedi chuinu. Nuquin utsi caid Timoteo quënën tsadumbuedi nëbi puduenmiac aidi badedquio nëmbo choan aidbëdi mibi yacno isec nidendabi.

Cadasia 6:16

Umbi aden chuisho tantiash: Abimbo mimbi caic, quiash bëdambuec tabadsho Nuquin Papan: Cun matsesquio nec, caindac. Aido Nuquin Papan bëdambuen isquin cuidenquio iquendac. Isadaidbobëta isadaidpembo adotsiash.