Cadasia 2:6 - El Nuevo Testamento en matsés

⁶ Adquid icnuc Esus tantiaquidon chuiquid tapa caidon Esus tantiaquidën natequid utsi chienquio iccondashi. Aid chuiquid tapabo icsho dacuëdënenquio iccondambi. ¿Chuiquid tapa nec, queshunda Nuquin Papan aido bëdambuen ispec?

Cadasia 2:6 Referans Kwoze

Cadasia 2:2

Adec Nuquin Papan tantiamiacpadec ambo nidshun Esus tantiaquido iccuededacno puduedshun umbi isadaidpembo Esusën naid Chiaid Bëda chuibennebued chuibanondambi. Adshumbic aidon chuiquid tapabo caidouidtsëqui umbi nabambuedtedimbo chuibanondambi. Aden chiambo icnuc utsibon: Pabadon icsambuen chieque. Tantienda, cac tantiashun Esus tantienquio yannushe, queshun chuibanondambi.

Hechos 10:34

Aden Codnedion: Chuiban, cac Petedon naden chuibampanëdash: Matses utsi nec, quenquio icquin Nuquin Papan iuedtequid matses utsi utsiec iquec, quequin nëbi abimbo tantiembi.

Codinto 2 12:11

Ubipadquid utsi nibëdec, quequin chienquioctiadquidi tantiesa onquiacbimbuen chiombi. Ubi caic mibitedishun: Bëdambuen chuibanquid nec, cac aden chienquio ictsenombi. Utsin utsinquien: Icsambuen chuichitequien Pabado niosh, canubi mibitedi muaquin chiec: Esuquidistun: Ubi chuibenneta, caid nebi, quec muaquidon ubi dëniactiapimbo iquec. Padnuebi bëdambocqudpenquio nec.

Cadasia 6:3

Utsien: Chuiquidquio nebi. Ubiuidtsëqui bëdambocquid nebi, quec adquidpenquio yequi abibi mua uadquid nendac.

Codinto 2 11:5

Esuquidistun: Ubi chuibenneta, cac Nuquin Papan tantiamiacpaden chuibennec nebi. Aden chuibennenubi utsibo tsiuec choshon chuibansho tantiash: Bëdambuen chuibanquidquio nec. Aden Pabadon chuibanenquio iccosh, quesho tantiash: Icsambuen chuibanombi, quetiapimbo iquebi.

Doma 2:11

Abi tantiesabo icsho: Nëid umbi tantiaid nec. Nëid umbi tantiacmaid nec, quenquio icquin Nuquin Papan abitedimbo cumapenen cuidendac.

Petedo 1 1:17

Mibitedishun Papa quequin chianniaid Nuquin Papa matsesën naidtedi tantiaquid icquin: Nëid bëdambocquid nec. Nëid icsambocquid nec, quequin ambi naid abitedi chuibanquin matses cuidquidquio nec. Adquid icsho uënësabi yec nidaidën tabadquin: Mibi bëdamboshëcquid nec, Papa, quequin Nuquin Papa ënenquio icquin tantiata.

Ebedeo 13:17

Mibi Esus chuibanquidon chiacpaden nabanta. Nuquin Papan: Chieshtoenquio icquin ubi tantiaquido bëdambuen isquin dayun uata, caid nec. Aidi: Esus tantiaquido naden namiombi, quequin Nuquin Papa chuiquid nec. Ubi chuibanquid nec, queshun ambi chiacpadombuen mibitedishun nabansho isash aid cuishonquec. Aden ambi chiacpadombuen nainquiocsho isash uënësquio ictsiash. Adnuc mibitedi bëdambo ictiapimbo ictsiac.

Ebedeo 13:7

Adembidi Nuquin Papan Chiaid mibi tantiamenu, quequin mibi chuibanquidon chiaid bëshunenda. Aido Esus tantiaquiec bëdambuec tabadpanëdash. Aidon tantianëdacpadombuen tantiec bëdambuec tabaduata.

Codinto 2 5:16

Aden Esus tantiabenash tantiesabo onquiacpadec onquenquio nuqui iquec. Ënden Esus caic: Matsesi nec, quequin icsambuen chiec onquiondaidi nëbi: Nuquin Papan Madombo nec, quequin nuqui tantiec.

Ducas 20:21

Adec nidshun: Esus icsambuen chuimetan, caido abentsëcshun: Mimbi tantiamequin chuibanaid bëdambo iquec, quequin tantiembi. Aid chuiquid tapa neque. Abimbo chienquio iquembi, quenquio icquin abitedi Nuquin Papan Chiaid abimbo chuibanquin Nuquin Papa tantiabente mimbi chiec.

Madcos 12:14

Aden nidmiac Esus yacno choshon abentsëcshun Esus naden chuipanëdash: Bëdambuen chuiquid mibi nec. Adembidi muesambo icquin Nuquin Papan chiacpadec bëdambuec tabadte mimbi abimbo chuibampoc. Matses dacuëdënenquio icquin Nuquin Papan Chiaidquio mimbi chuipoc. Adquid icquin ubi chui. Tantianu. Piucquid shocosh tsasicquid bec cho, quequin bedshunquid isadaidpembon chuiquid tapambo Sesad cuëmëdquid nec. ¿Ada aid meniac bëdambo icpec? ¿Adambi aid menepe? quepanëdash Esus caic.

Mateo 22:16

Adshumbic: Icsambuen chuimetan, quequin chuiquid tapa Edodesbëd icquidobëta padiseobobëd icquido nidmiac icsambuen chuimenuec chochoshon chuituidpondash: Bëdambuen chuiquid mibi neque. En ubi chui. Tantianu. Muesambo icquin Nuquin Papan chiacpadec bëdambuec tabadte mimbi abimbo chuipoc. Matses dacuëdënenquio icquin Nuquin Papan Chiaidquio mimbi chuipoc.

Hechos 5:36

Ëndenquio Teudas cuëmëdquid icpanëdash. Aidëmbi: Chuiquid tapa icnu, quequin chuisho tantiash dada dadpen 400ted abëdi capupanëdash. Teudas cuessunniacsho isash aidbëd icbuedtedi uanno uannoec nidanniash isadenquio yampanëdash.