Cadasia 1:4 - El Nuevo Testamento en matsés

⁴ Matses abitedi icsamboec tabadsho isash nuqui icsambuen naid bedshunash Nuquin Papa bunacpadec abi tantiaquido cuidmenquio icnuec abided cuidadec Esuquidistu uënëspanëdash.

Cadasia 1:4 Referans Kwoze

Mateo 20:28

Adecbidi Matsesën Tishaid icsho mabi matsesën nashunnu, quecpenquio chondabi. Adenquio icquin matses nashunquin Nuquin Papa icsambuen naquidobi cuidmenquio icnuec ubided cuidadec uënësendabi, quequin Esusën ubitedi chuipondash.

Doma 4:25

Nuquin Papan tantiacpadec nuquitedi cuidmenquio icnuec nuqui icsambuen naid bedshunec abided cuidadec Esus uënëspanëdash. Adec uënësash uincueniaid tantiasho Nuquin Papan icsambuen naisabimbuecnuc nuqui bëdambuen isendac.

Cadasia 2:20

Esusbëd uënësacbimbuen umbi icsambuen nabanaid ënondambi. Nëbi Esusbëd cuëshëdenquio yec bëdambuec tabadebi. Ubi tantiaquiec ubi cuidmenquio icnuec Nuquin Papan Mado abided cuidadec Esuquidistu uënëspanëdash, quequin tantiashoeni Aidëmbi nëbi bëdambuec tabadquid icmec.

Petedo 1 2:24

Esuquidistu nuqui icsaid bedshunash abided cuidadec cueste napotiaidën diadec uënëspondash. Nuquitedi icsaquido icbuedi ma icsaid ënash bëdambuec tabadnu, quiash uënëspondash. Adecbidi abi tantiaquido bëdambuen isnuec Esuquidistu mëyamëdpondash.

Tito 2:14

Nuqui cainaid nuqui icsambuen naidtedi bedshunec abided cuidadec Esus uënëspanëdash. Adec uënësaid tantiaquid yansho: Cun matses caido yec bëdambuec tabadquid nendac, quequin chiaid tantiameta, Tito.

Codinto 2 4:4

Ad icnuc: Nuquin Papapadquidquiobidi bëdamboshëcquid Esuquidistu nec, quequin chuibansho tantiaquido icnushe, queshun icsambuen namianquid icquin Mayan Icsa Satanasën pamunacbimbuen utsi utsien tantiamenquio iquec.

Timoteo 1 2:6

Aidi abi tantiaquid cuidmenquio icnuec abided cuidadec uënëspanëdash. Aden Nuquin Papan ambi tantiacpadënquio Esus chomepanëdash. Matses abitedi cuidenquio icquin bëdambuen iste bunquin Abëd tabadmequid Nuquin Papa nec, matses camenuen Esus uënësmepanëdash.

Epeso 2:2

Adquid icquin Nuquin Papa tantiesabon nacpadombuen mimbi icsambuen nabampondac. Adombuembidi podobitsi icsabon chuiquid tapa Mayan Icsa Satanas bunacpadombuen nabampondac. Aidëmbi Nuquin Papan Chiaid niacmequin icsambuen nate matses bunmec.

Tesadonica 1 3:13

Adembidi mibi bëdambuen tantiamequioquin chieshtoenquio icmeta. Adsho mibi tantiaquido mimbi bëdamboshëcquid icmequin icsaisa icmiaidobëd nidaidën padpidec choshon cun Icbo Esusën: Tesadonica yacnocquido icsambo iqueque. Cuidnu, catiapimbo ictsiash, Papa, quequin mibitedi tantiaquin Nuquin Papa chiannembi.

Doma 12:2

Esus tantiesabon nacpadombuen naic tabadenda. Adembidi aidon tantiacpadombuen nainquiocquin bëdambuen tantiabenash mibitedi bëdambuec tabadquid yanendac. Adash Nuquin Papa bunacpadec tabadquin bëdambocquid yec abi bunaidquio yec icsambocquidpenquio yante yec quequin mibitedishun tantiendac.

Pidipos 4:20

Adquid icsho: Nuquin Papa bëdamboshë iquec, canuna ënenquio icquin. Amen.

Epeso 5:2

Nuqui tantiaquidquio Esuquidistu nec. Adquid icnuc utsibobëd tantiananec tabadta. Nuquitedi tantiaquidquio yec abided cuidadec uënëspanëdash. Adec abi uënësaid nuadte bëda shëdtequid pichicacbimbuen nasho isash Nuquin Papa: Bëdambo iquec, quepanëdash.

Esusën Uan ismiaid 1:5

Adembidi Esuquidistun mibi bëdambuen isquin bëdambo icmendac. Nuquin Papan bëdambuen iste tantiamequidquio aidi nec. Abia aton dada uënëstiapimbo icquid icmequin uincuenmiaidquio nec. Adquid yec abitedishun Icbombo nec. Aidënuidtsëqui nidaidën tabadquidën chuiquid tapa abitedimbo namendac. Aidi nuqui tantiaquidquio yec nuqui cuidmenquio icnuec nuqui icsambuen naid bedshunash abided cuidadec intac chididiquec uënëspondash.

Esusën Uan ismiaid 5:9

Adashic nadec cuëdënte chucan cuëdëncuededposh: Mimbiuidtsëqui Nuquin Papan sananaid dada uaid bedshun bitaccaid chicquin isbanquin Nuquin Papan chiacpadombuen namendac. Nuquin Papan chiacpadec matses cuidmenquio icnuec mibided cuidadec intac chididiquenuc uënës uaondaid mibi nec. Nëbi icsambo icbuedombi abi icsaid bedshunquid tantiasho Nuquin Papan bëdambuen isendac nëidtedi: Nëidic matses utsibo dadpenquio. Nëidic onquete utsin utsinquiec onquequido. Nëidic shubu daëdpactsëcquido utsi utsiec yacnocquido. Nëidic nidaid utsi utsiec yacno tabadquido. Aidtedishun abi tantiasho Nuquin Papan bëdambuen isendac.

Uan 1 3:16

Adquid icnuc utsibobëd tantiananec tabadte nuqui tantiec. Esuquidistu nuquitedi tantiaquiec abided cuidadec uënëspanëdash. Adecbidi nuquibëtan Esus tantiaquido caic: Cuessunnenu, casho issun: Padi, ubiquien cuessunne, canuna.

Uan 1 2:2

Matsesën icsambuen naid tantienquio yec bëshunquin ma Nuquin Papan cuidenquio icnu, quiash matses abitedishun icsambuen naid bedshunec abided cuidadec Esuquidistu uënëspondash.

Petedo 1 3:18

Chieshënquin natiamiaqui Esuquidistu mëyadquiec nuqui icsaid bedshunec abided cuidadec abentsequi uënëspondash. Aidi icsaisambo iquequi icsambuen naquido tantiec mëyadbudec uënëspondash: Ma Nuquin Papa yacno tabadtequido icpanu, quiash. Adec aton dada icsabudec uënësambi aton mayan uënësesambo icnuc aton dada uincuempanëdash.

Santiaco 4:4

Chidon aton bënëpen chudmequidbimbuen Nuquin Papa tantiesabo yec icsambuec tabadquido mibitedi nepayoc. Adec tabadquin abi tantiesabon nacpadombuen nadennequid yec Nuquin Papa chieshënquid nec, ¿quequinda mibitedishun tantienquio icpe?

Ebedeo 6:5

Adoaidën Nuquin Papan Chiaid bëdambuen tantiashun Nuquin Papan namiaido icquin nadatiambocquin nabanaid issun: Nuquin Papa yacno Esusbëd tabadte iquec, quequin tantiabempondash.

Tesadonica 2 2:16

Nuquin Icbo Esuquidistubëtan Nuquin Papan nuqui tantiaquin bëdambuen isec. Adembidi: Nuquin Papa yacno Esusbëd iquendabi, quequin tantiamequin nuquitedi bëdambo icmec.

Uanën dada uaid 12:31

Nëbi abi tantiesabo Nuquin Papan cuidtequido yanendac. Adembidi matses dadpenquio icsambuen namequid Mayan Icsa Satanas chedo Nuquin Papan cuenmetequid yanendac.

Mateo 26:28

Aid actequid acshobien Esusën: Nëid cun intacbimbuecquid acquin: Ubi cuidmenquiocnoen Esusded Nuquin Papan cuidmiac aton intac siquebudpambuec uënësposh. Adsho issun Esus tantiaquid icsho Nuquin Papan aid matses icsaid tantienquio yec bëshunquin cuidenquio iquendac, quequin tantiata, quepondash Esus.

Ebedeo 9:14

Esusën intaquëmbien Nuquin Papa yacnombo matses puduedmetequidquio nec. Nuquin Papan Mayan Bëda uënësesambo icquin dayacquio icmiac Esuquidistu icsambuen naisambo yequi matsesën icsambuen naid bedshunec abided cuidadec uënëspanëdash. Adec uënësaid icnuc nëbi naden nuqui tantiec: Umbi icsambuen naidtedi tantienquio yec bëshunquin ambi cuidtequid icbuedi Esusën mënchicaid icsho Nuquin Papan ubi cuidenquio iquec, quequin nuqui tantiec. Nuquin Papa uënëstiapimbocquidën namiaid icmenuec adec Esus uënëspanëdash.

Ebedeo 2:5

Tantia. Chuinu. Abi yacnoshon Nuquin Papan abëd icquido chuiquin: Nidaid chuca uaidën tabadec Cun Mado tantiaquidon chuiquid icta, cambo iquec.

Tesadonica 1 3:11

Nuquin Icbo Esusbëta Nuquin Papa chuiquin: Istantiadquio iquebique. Ubitedi nashunquin ambo ubi nidme, Papa, quequin chiannembi.

Epeso 6:12

Matses isadacpadquidpenquiobëd cuesnanacbimbuecquido nuquitedi nec. Mayan Icsa Satanasën iuabo isadesabëd cuesnanacbimbuen nuquitedi naic. Aidtedi abuc tabadec. Aidotedi nidaidënshun nadatiambocquin nabanquidquio yec: Abitedishun chuiquid tapa nebi, quequin icsambuen namequin iuanu, quequid aido nendac.

Epeso 1:11

Nuquin Papa ambi tantiampicpadombuen naquidquio nec. Ëndenquimbo abitedi uabi yequi Nuquin Papa nadpampic: Umbi tantiaidtedishun Esuquidistu tantiaquid icsho: Ubëdi tabadmenuen: Cun matses nec, caindambi, quepampic.

Cadasia 6:14

Ubien tantiesabimbuec: Ubiuidtsëqui bëdambocquid nebi, quetiapimbo iquec. Adenquio yec Nuquin Icbo Esuquidistu cueste napotiaidën dectanaidquio tantiec: Bëdambocquid nebi, caimbi. Adec Esuquidistu tantiec ubi bunaid ënash icsate bunenquio iquebi. Adsho issun utsibon umbi Esus tantiaquin nasho tantienquio iquec. Adec Esuquidistu cueste napotiaidën diadec uënëspanëdash, quequin tantiec Esus tantiesabon nacpadombuen nainquiocquin umbi icsambuen naid ënash icsate bunenquio iquebi.

Doma 8:32

Nuquin Papan nuqui tantiaquin aton Madombo cudasenquio icquin nuqui cuidmenquio icnuen aton Madoded cuidmequin uënës uamepanëdash. Adshumbic aid tantiasho nuqui bëdambuen isquin uënësacsho Aton Madobëd tabadmequin abitedi menendac.

Doma 8:3

Moises dada uamiampidën chiacpadec matses bëdambuec tabadtiapimbo yec uidëmpentsëcquio icsho issun Nuquin Papan aton Mado matses uidëmpentsëcquiocquid yacbimbuecquid chomepanëdash. Adshumbic Nuquin Papan icsambuen naquido cuidenquio icnuen aton Madoded cuidmequin uënës uamepanëdash.

Uanën dada uaid 10:11

Adashic Esus padpidec onqueuapondash: Obeca icbobimbuecquid nebi. Obeca icbo aton iua cudasacbimbuec ubi tantiaquido cudasnuec ubided cuidadec uënësendabi.

Uanën dada uaid 6:38

¿Umbi tantiacpadombuen nanuectabi abucuësh chodionda? Padenquio. Ubi chomequid Cun Pan chiacpadombuen nanuec mabi aid yacnouësh chondac.

Uanën dada uaid 5:30

Umbentsëqui natiapimbo iquebi. Cun Pan chiacpadombuen naquin matses cuidte chiendambi. Matsesën naidtedi tantiaquidquio icquin abimbo chiendambi. Umbi tantiacpaden nainquio icquin ubi chomiondaid Cun Pan chiacpadombuen naindambi, quepondash Esus.

Ducas 22:42

Papa, ¿ada ubi natiamequin mëyadmenquio ictsia? Ubi bunacpaden namenquiocquimbi mibi bunacpadombuen nameta, Papa, quepanëdash Esus Nuquin Papa chiec.

Madcos 10:45

Adecbidi Matsesën Tishaid icsho ma ubi matsesën nashunnu, quecpenquio chondabi. Adenquio icquin matses tantiaquin Nuquin Papa icsambuen naquidobi cuidmenquio icnuec ubided cuidadec uënësendabi, quepanëdash Esus.

Mateo 26:42

Aden chuitanec ambi Nuquin Papa chuibocno padpidec niduashun Nuquin Papa chuiuaic: ¿Ada ubi natiamequin mëyadmenquio ictsia, Papa? Ubi bunacpaden namenquiocquimbi mibi bunacpadombuen nameta, quetanec

Mateo 6:9

Naden mibitedishun Nuquin Papa chuita. Papa, bëdamboshë icquidquio yec mibi abucquimboshë tabadec. Adquid icsho matses abitedishunquio: Ubi uaquid utsi nibëdec. Mibi bëdamboshëcquid nec, quequin ma mibi tantiapanuna, papa.

Esusën Uan ismiaid 7:9

Aden ismeboshombic padpiden Nuquin Papa yacnombo ismeuaposhi. Adoac isaquien matses dadpenquioshë tamëdtiapimbo yec nëidtedi tabadposh. Nëidic nidaid utsi utsiec yacno tabadquido. Nëidic matses utsi utsiecquido. Nëidic onquete utsin utsinquiec onquequido. Nëidic shubu daëdpactsëcquid utsi utsiec yacnocquido. Aidtedi Obecabimbuecquid tantiaquido neposh. Aido Nuquin Papabëta Obecabimbuecquid bëisec tabadposh. Abëdi tabadmequin Nuquin Papan icsaisa icmiaido yec dashcute ushumbo icquiduidquio dasiuidcuededposh. Cun matsesën chuiquid tapa ismiacbimbuen: Nuquin Papa bëdamboshë iqueque. Ismenu, quequin niste podobiecquid sananquin uic uiccabededposh.

Doma 8:27

Matsesën tantiaidtedi tantiaquidquio Nuquin Papa nec. Adquid icquin abi bunacpadombuen: Ma Nuquin Papan abi tantiaquido bëdambo icmenu, quequin tantiaquin aton Mayanën onquenquio icquin abi chuisho Nuquin Papan tantiec.

Ducas 22:19

Adoshombic pan bedshun: Mimbi uaid nëid pete bëdambo iquec, Papa, quequin Nuquin Papa chuitanquin cuëshshun abëd icquido naden chuiquin menepanëdash: Mibitedi icsaid bedshunacsho ubided cuidquin mëyanquin uënës uaidën namibimbuecquid neque. Ubimbo tantiaquin pededneta, capanëdash Esusën.

Mateo 13:22

Pete ëshë utsi nisanquid dadpen dëyucaid yacno paëdaidbimbuecquid nad iquec. Nuquin Papan Chiaid chuibansho tantiashun ambi dadpen tantiaiduidi tantiec chieshtoendac. Utsibic ambi bedteuidi tantiaquin nabanec abibi mua uadec chieshtoshon tantienquio yanuaindac. Adquido Nuquin Papan Chiaid tantiesabo yanshun bëdambuec tabadaid utsibo tantiamenquiocquid yanendac. Adquid nisanquidën bëtinac bacuëtiapimbo yacbimbuecquido nec.

Codinto 1 15:3

Umbi tantiabenondaidquiobidi mibitedi tantiamequin chuibanondambi. Nuquin Papan chuiquin dada uamiampicpadec nuquitedi icsambuen naid bedash abided cuidadec Esuquidistu uënëspanëdash.

Epeso 5:16

Icsambuen naquido dadpen iqueque. Aidpadquid iquenda. Bëdambuen nabandednequidquio icta.

Tesadonica 1 1:3

Aidon Esus tantiaquin mimbi chiacpadombuen matses tantiaquin nashumbanondash, Papa, quequin Nuquin Papa chiannembi. Abi yacno abi tantiaquido buannuec Nuquin Icbo Esuquidistu padpidec choec, quesho utsibon chieshënaqui chieshtoenquio icquin Esusën naid abi chuibanondash, quequin ubëd icquidobëtan ënenquio icquin mibitedi tantiembi.