Cadasia 1:10 - El Nuevo Testamento en matsés

¹⁰ ¿Mabi matsesën: Mibi bëdambo iquec, canu, quequindambi aden chuibampadi? Padenquio. Nuquin Papambien: Mibi bëdambo iquec, ubi caindac. Matsesën tantiaiduidi chuibanec Esuquidistun iuapenquio ictsiabi.

Cadasia 1:10 Referans Kwoze

Tesadonica 1 2:4

Mambi mibitedi abimbo chuibampondac. Matsesën tantiaidtedi tantiaquidquio icquin Nuquin Papan: Nëidën abimbo chuibantsiashe. Cun Mado Esusën naid Chiaid Bëda chuibennequid icmenu, caidquio nebi. Adoaid yec matses: Mibi bëdambo iquec, cameteuidi bunenquio iquebi. Nuquin Papa umbi tantiaidtedi tantiaquid icsho: Mibi bëdambo iquec, camenuembimbi ambi chiacpadombuen naic.

Hechos 5:29

Adsho tantiashun Petedobëtan Esus chuibennequidon naden chuipanëdash: ¿Matsesën: Nata, caidoda ubitedi nedi? Nuquin Papanquio: Nata, caido icquin Aidën chiacpadombuen naimbi.

Epeso 6:6

Min icbon isnuc aidën chiacpadombuen mimbi bëdambuen nabanacpadombuembidi min icbon isenquiocnoc adembidi nabanuata. Esuquidistu: Cun Icbo nec, quequin chieshenquio icquin Nuquin Papa bunacpadombuen naimbi, quequin nidaidënshun min icbon chiacpadombuen nabanta.

Santiaco 4:4

Chidon aton bënëpen chudmequidbimbuen Nuquin Papa tantiesabo yec icsambuec tabadquido mibitedi nepayoc. Adec tabadquin abi tantiesabon nacpadombuen nadennequid yec Nuquin Papa chieshënquid nec, ¿quequinda mibitedishun tantienquio icpe?

Mateo 22:16

Adshumbic: Icsambuen chuimetan, quequin chuiquid tapa Edodesbëd icquidobëta padiseobobëd icquido nidmiac icsambuen chuimenuec chochoshon chuituidpondash: Bëdambuen chuiquid mibi neque. En ubi chui. Tantianu. Muesambo icquin Nuquin Papan chiacpadec bëdambuec tabadte mimbi abimbo chuipoc. Matses dacuëdënenquio icquin Nuquin Papan Chiaidquio mimbi chuipoc.

Codosas 3:22

Iuabon, nidaidënshun mibi iuaquidën chiacpaden nabanta. Aidën: Naden na, quequin chuishun isnuc nabanta. Mibi iuaquidën isenquiocnobi adombuembidi nabanuata. Aden nabansho mibi bëdambuen isendac. Cun Icbo Esuquidistun ubi isec, queshun aden nabanta.

Doma 2:29

Isadaidbo nebi, queshun shui dëbid dëtemequido yec bëdambuec tabadquin Nuquin Papa tantiaquidombo nec. Adquid icquin Moisesën chiampicpadombuenuidi nainquio yec Nuquin Papan Mayan Bëdan tantiamiacpadec bëdambuec tabadec. Adec tabadsho: Adquid bëdambo iquec, matsesën cainquio icnubi Nuquin Papan: Bëdambo iquec, caindac.

Uan 1 3:9

Nuquin Papan: Cun bacuëbo nec, caido icquin ambi icsambuen naid abi nabantiapimbo iquendac. Nuquin Papan aton Mayambëd tabadmiaido yec icsambuen naic tabadtiapimbo iquendac.

Codinto 2 12:19

Cun utsibo, Pabado chedo icsambuen naquin ampesa nec, mibi ¿camenuendambi dada uaquin chuibampo? Padenquio. Nuquin Papan isnubi mibëtan Esuquidistu tantiaquid icquin mibi aid tantiaquidombo icmenuen chuibanombi.

Doma 2:8

Icsambuen naquidoen Nuquin Papan Chiaid chiaqui tantiate bunenquio icquin abi bunaiduidi naic icsambuec tabadsho Nuquin Papan nëishënshun cumapenen cuidendac.

Doma 1:1

Esuquidistun iuambo Pabado nebi. Aidën: Ubi chuibenneta, quequin tantiamiaidquio nebi. Adembidi Nuquin Papantsen: Umbi Chiaid Bëda tantiamequin chuibenneta, caidquio nebi. Adquid icquin mibitedi tantiembi.

Codinto 1 10:33

Umbi nabanaidtedi isash ma utsibo abitedi bëdambuen tantiec cuishonquenu, queshun nabanembi. Umbibi tantiacpaden nabanec bëdambo iquebi, quenquio icquin utsibo tantiaquin bëdambuen nashunembi: Ma aido Nuquin Papa yacno puduedtequid icpanu, queshun.

Mateo 28:14

Mibi caic: Sondado ushquiopac caosh, quequin chiac min chuiquid tapa Pidaton chushcaquin mibitedi cuidnushe. Aid: Chushcaquin cuidenda, quequin ubitedishun chiendambi, quequin

Hechos 12:20

Adec nidash ambo tabadnubi Sesadea caid anoentsëc shubu dadpen icquid Tido caid yacnocquidobëta shubu dadpen icquid utsi Sidon caid yacnocquido Edodesën nëishëmpanëdash. Adash chushcananquido icbuedi padenquio yanec tabadpanëdash. Adec tabadquin: Sesadea yacno Edodes choash tabadosh, quesho tantiash Edodes nashunquid Bedasto cuëmëdquidbëd onquenuec chochopanëdash. Ambo chochoshon: Umbi pete nibëdsho issun Edodesën namiaidon menioshi. Nëbi aid chushcainquio iquembi, quequin chochoquidon chuituidpanëdash. Aden chiac adombuembidi Bedaston Edodes chuiuapanëdash.

Mateo 6:24

Adshumbic naden Esusën chuipanëdash: Adecbidi chuiquid daëd icnuc aid daëdshun namiaid mibi ictiapimbo iquec. Abentsëcshun chiaiduidi tantiaquin utsin chiaid nainquiocquin mimbi aid chieshënec. Adquiobidi piucquid bedteuidi tantiaquid icquin Nuquin Papan chiacpadombuen mimbi natiapimbo iquec, quequin Esusën chuipanëdash.

Pidipos 1:1

Esuquidistun iuambo Pabado nebi. Aidën iuabidi Timoteo ubëd iquec. Aidbëtan shubu dadpen icquid Pidipos yacnoshon Esus tantiaquido icsho mibitedi tantiembi, quequin dada uaimbi. Nuquin Papa tantiaquido yec Esuquidistubëd daëdash abentsëc yacbimbuecquido mibitedi nec. Adembidi chuiquid tapabobëta mibi nashunquido tantiembi.