Tito 1:11 - Sharanahua: Diospan Tsain

¹¹ Pui fusti fipaicaquin futsafo fasi amaquiri chacacoin tapimacani. Ascacun atohuunshon ahuun yorafoyashon Jesús cachiquiri huaafo. Ascacun aton tsain shatumahuu afanan futsafo amaquiri yosinonma.

Tito 1:11 Referans Kwoze

2 Timoteo 3:6

Ascatari ainfofoan chaca huamisifo cuscacai Dios yoimisifoma ato chaca soashonon. Anoricai itama afananri ahuara chaca futsa futsatapafo huapaicaquin shinanfafaimisifo. Ascaquin ato ointi nocoafo chaca huamisifo shinancaquin. Ascashon nanscara ainfofoan yoimisifo isca huaquin, —Un tapipai ahuuscashumain un isharatiroquin, —ishon yoifiaquicai Jesucristohuunoa Diospan tsain iconcoin nicafiaquicai tapicoianfoma. Ascano nan yora chacafoan nanscara ainfofo ato pushu muranshon iquimisifo ato tsain shara nicatsa yoiquin. Ascafia ato tsain shara yoiamafiaqui. Ascan ato yoiaifo cuscan fasi amaquiricoin. Ascashon ato iquipaicani.

1 Timoteo 6:5

Nan cuscara yorafoan chaca fustisi shinanfafaimisifo. Ascatari fochishmanantananfafainmisifo. Ascashon afanancai tsoan ahuara icon yoitirofoma. Chani fustisi tapiafo. Ascashon isca huaquin shinanmisifo, —Non nan tsain shara Jesushuunoa tanaicai non afanan ahua yopatiroma. Non fasi ichapayatiroran, —ishon amaquiri chaca shinanmisifo.

Romanos 3:19

Man non tapia Upa Diosin yononi cuscan Moisés noco cunushoni. Noco yononi non chaca huanonma. Noco yononi cuscacai non amisima. Ascan tsoancai yoitiroma isca huaquin, —Diosin yononi cuscan un amisiran, —ishoncai yoitiroma. Iconquin nantifi noco onaintimatiro.

Tito 3:10

Ascan futsan ahuun tsainhuunshon icoinra huafo pashcanan huamaiton nan ichananmisifo aton cushumisifoan yoitiro afanan ascanonma. Asca man yoifia afanan ahuun tsainhuunshon ato pashcanan huaiton yoicahuun afanan asca huanonma. Man man yoiqui rafu huafia nicayamafain ato pashcanan huaiton nanscarafo fu afanan iyamahuu.

Salmos 63:11

Ascafia unfin maton niaifoquin un Diosihuunoashu unimashquin. Tsoan Diosi icoinran huai yoitiro isca huaquin, —Nocon Ifo Diosin fasi sharacoinran, —ishon yoishquin. Ascan nan chanimisifo ato tsain shatumashquin afanan ahua yoinonfoma. Ascashu afanan pusinonfoma.

Tito 1:9

Ascacun Diospan tsain non icoinra huatiro nan iconcoin. Non Diospan tsain yoiaiton fasi icoinra huafafainmisi nan cuscara cushumisi shara itiro. Ascashon arifi futsafori nan tsain sharahuunshon aton ointi unimamatiro. Ascafia futsafoanri Diospan tsain nicacasmaifoan atorifi nan tsain sharahuunshon cushumisiton ato oinmatiro amaquiri shinainfo cuscan.

Tito 1:7

Ascano nan cushumisiton Diosin yonoshona. Ascashon nan Dios fu tsainti pushu murannoafo ahuun yorafo cushushara. Ascacufin nantififain ahuunoa yoisharafo aton cushumisi inon. Ascashu cacapaimisi iyamacain ointi rochitimani iyamacain paumisi iyamacain sutumitsapaimisi iyamacain futsafo parashon ato pui fianmisiricai itiroma.

Salmos 107:42

Nan isharamisifoan oincani fasi unimaifoan. Ascan nan chaca huamisifocai tsoa puusiquima.

2 Corintios 11:10

Ascacufin un mato Cristohuunshon icon fusti yoimisi. Nanscacun ahuun tsain iconcoin uhuun nomuran un nanua. Tsoa Acaya mai anoafoancai un mato yoiai cuscan ua shatumatiroma.

Lucas 20:40

Ascashocai afanan tsoan yocapainima. Ato cumasharaino aqui ranonifo.

Mateo 23:13

Ato asca huatan Jesús Moisés cununi cuscan tapimamisifo yafi Fariseofori yoiqui isca huani, —¡Ohua! Moisés cununi cuscan tapimamisifo futan Fariseofoan ua nicasharacahuun. Manfin fuparamitamisicoinfoquin. Upa Dios icano man yorafo iquimapaifiaquicai man ato iquimatiroma. Ascashu marificai man iquitiroma. Iquipaifiaifoan man ato catima huaa. Ascacun Diosin mato fasi onaintimaquin finacoinshquin.

1 Timoteo 5:4

Ascafiacun funuoma futsan facufo ya iyamarai fafayashon nanfoan cushusharatirofo. Jesús tanasharapaiyaifoan nansca huatirofo. Diosin nanscara fuchipai.

1 Timoteo 5:13

Ascashon pushuti chani yoifoanfafaini. Yonotama shafatishon funocointiro. Nanscara man fuyamisi. Chaca yoimisi cuscan yoiama shara icuana.

2 Timoteo 2:18

Nan rafutan fai shara funoafo. Afanancai Diospan tsain iconcoin yoiafoma. Ascashon yoimisifo isca huaquin, —Upa Diosin noco funimanai cuscan man finoan. Afanancai icoinra huafo funitirofomaran, —ishon amaquiri yosiafo. Anori yoiaifoancai nicaquin atirififain afanan icoinra huacanima. Ascashon man cachiquiri huaafo.