Salmos 86:12 - Sharanahua: Diospan Tsain

¹² Uhuun nomuran un mia fusti shinainno un unimatiro mihuunoa yoi sharashquin. Un nantifi yorafo mihuunoa yoisharapacunaca afoanrifi mihuunoa shinansharanonfo.

Salmos 86:12 Referans Kwoze

Deuteronomio 6:5

Nocon Ifo Diosi maton shinanhuunshon fasi noicoinfain maton nomuran fasi noicoinfain maton curushhuunshon fasi noicoincahuun.

Romanos 15:6

Ascano nannorisi shinanquifin non nocon Ifo Jesucristo ahuun Apa nan oi fusti nicatsa non ahuunoa yoisharatiro.

1 Corintios 6:20

Jesucristo mato nashoni maton Ifo iishquin. Ascan manfin ahuunafoquin. Ascano Diosifin nocon Ifoquin. Ascashu nocon caya ahuunari. Nan mato yoiai cuscan acahuun. Maton cayahuunshon Diosin shara huamacahuun. Man ascaiton futsafoan oincaquifin, —Diosin shararan, —huatirofoquin.

Efesios 5:19

Ascatan Diospan tsain shara ichapa yoinonancahuun. Nocon shuni David fanain ini cuscan fanaincahuun. Diosihuunshon futsafo fanainshocahuun. Maton nomuranshon nocon Ifo shinancahuun.

1 Corintios 10:31

Un mato tapimasharanon. Ahuara man pifain ayafain man ahuarashta futsa huai cuscari acafiri futsafoan Diosihuunoa shinansharanonfo.

Salmos 34:1

Uhuun nomuranshon un Ifo Dioshuunoa shinansharafafainquin un futsafori ahuunoa yoisharafafaini.

Hechos 8:36

Caino atoqui unu noconi nocofunun etiope yoini, —Oinpon unu. ¿Mian na unu muran iquimatiromun un Jesús icoinra huacoinnai cuscan un ismanon? —ishon yocaiton.