Salmos 73:3 - Sharanahua: Diospan Tsain

³ Asca mun oian nan curafiapaimisifoan fasi chaca huamisifofiashu pui ichapayafo. Ahuacai tsoa yopaima. Nanscara ato oin urifi un ato cuscara ipaipaoni.

Salmos 73:3 Referans Kwoze

Salmos 37:7

Nocon Ifo Diosi ahuun ointaifin puusitama manacahuun. Funacaquinma. Ascan chaca huamisifoan ahuara chaca huaifo cuscan fuchipaiyamacahuun. Nanfo oinquin shinanchacayamacahuun. Nanfoanfin chaca fustisi shinancaniquin.

Salmos 37:1

Samamashta farin fasi tsasi huayacufoantiro. Charofori sharamishti foaica nanfori samamashta tsasiacucahuantiro. Nanscarifi ai nan chaca huamisifo niyocanashu ahuara ichapayafiafo nanfori samamashta nai futsushcani. Ascacun nan yoran chaca huahuunoa shinanchacayamacahuun. A chaca huamisifo aya cuscan fuchipaiyamacahuun.

Santiago 4:5

Diospan tsain cununi isca huaquin, —Uhuun Yoshin Shara un mato ya rafumaniran, —ishon cununi. ¿Man shinanmun ipaitsi noco cunushoni? Man ahuara futsafo noiaiton oinquin ahuun Yoshin Shara fasi ahuun ointi isincointiro.