Salmos 73:1 - Sharanahua: Diospan Tsain

¹ Uhuun caifo Israelifoan aton nomuranshon tsoan shinanchacayamaiton Upa Diosin ato shara huamisi.

Salmos 73:1 Referans Kwoze

Mateo 5:8

Ascan nan Dios fusti tanasharashu ahuun nomuran shinansharamisi. Nan cuscarafoan chipo Dios ointirofo. Ascaiton Diosin ato ointi unimamashquin.

Salmos 51:10

Upa Diosin, uhuun nomuran ua afanan funa shara huashohuun un afanan ahuashta chaca shinanonma. Uhuun nomuran afanan ua funa cuscaran imahuu mian yoiai cuscan un ariscanon.

Lucas 12:32

Ascano uhuun yorafoan ratuyamacahuun. Maton Upa Diosin mato cushushara. Nantifi ahuuna matori inain. Unimacai mato inanshquin.

Santiago 4:8

Ascatari Dios fu rafucahuun a cufifafaincahuun. Man ascaino matofu rafucacaitiro. Man chaca huamisi cuscan shatucahuun. Ascashu afanan ointi rananya iyamacahuun. Man Dios tanafiashon nantianricai nan icoinra huamafoan acai cuscan man huatiroma. Ascaquicai man tanasharatiroma. Ascashon maton nomuran man shinanchacamisi cuscan shatucoincahuun.

Juan 1:47

Natanael aqui nocoaiton Jesús ahuunoa yoini, —Naafin Israelicoinquin. Diospan yora ipaicoin. Nantofin iconcoin shinanfafaimisiquin. Paracai huamisimaran, —ishon Jesús ahuunoa yoini.

Romanos 4:16

Ascan non ahuara shara huaacucai Upa Diosin noco yoiyotiani cuscan noco inainma. Non icoinra huaiton noco cashman inanshquin. Ascan nan Israelifo yononi cuscan tanaifo iyamarai nan tanaifoanmari Upa Dios icoinra huacanashu ahuun yorafo itirofo. Ato yoiyotiani cuscan cashman inanon. Abraham icoinra huani cuscan afoanri icoinra huashu ahuun funafo cuscara itirofo.

Salmos 73:18

Asca min yonoa cuscan nanfo machi tunanmanri micha mayocoin tusirimu caini pacui cafiscai. Nanscarifaiyai nan yora chacafo naashu omitsispacunacafo muran pacuafo tsoancai afanan ato funitiroma.

Salmos 42:11

¿Ahuuscaimun natian un unimaimaquin uhuun nomuran un fasi omitsiscai puusiquima? Natian un Dioshuunoa shinain ua afanan unimamanon. Nanfin uhuun Numamisi icain uhuun Diosiquin. Ascan un afanan ahuunoa yoisharai. Natiancai uhuun nomuran un unimaima. Ascafia Diosin ua shara huashomisi cuscan un shinain afanan ahuunoashu unimashquin.

Salmos 2:6

Ascacun Ifo Diosin yoia, —Un niaifocoin catonni Jerusalén ano nantifi ato iquinon. Unfin Jerusalén catoanquin nanno iishquin. Nan un Jerusalén machi ano icainofin fasi sharaquin.