Salmos 57:1 - Sharanahua: Diospan Tsain

¹ Uhuun Diosin un miqui oa min ua cushunon. Ascacun uhuun ramapaihuu, ua shinanpun. Natian ahuarafoan ua omitsisca huamapai. Nan tacara facumishti ahuan putaon muran onutiro ato cushuquin. Nanscarifiai un miqui oa min ua cushusharanon.

Salmos 57:1 Referans Kwoze

Salmos 91:4

Tacaranun ahuun facufo ahuun putao nonanmanri cushua cuscan nocori nocon Ifoan cushua ahua chaca nocoqui nocononma. Non afu rafuashucai non ahuara chacaquin ratuima. Nococai raqui potayamafain noco cushua ahuara chacacai nocoqui nocotiroma noco chaca huamashquin.

Salmos 63:7

Min ua shara huamisi. Ascan min ua cushuaino un minhuunoashu fanainmisi.

Salmos 91:1

Ifo Diosin nantifi finoncoian. Nanton ahuamamishti huatiro. Ascan ratora futsa a fu rafuaiton cushusharai ahuun nomuran shinanmasharai ahuara chacafoancai a ratutiroma.

Apocalipsis 21:4

Ato cushusharashquin afanan tsoa omitsiscatiroma. Atohuun ramapai tsoa uaicai ato shinanmasharatiro aton fuon turuashontiro afanan shinanchacai cuscan pusitama unimanon. Ato cushuaino tsoashta afanan nayamacain manoyamacain uaiyamacain isin mucanimaran, —ishon yoia. Ahuara chacafo iyopaoni cuscacai afanan ascanacama.

Salmos 91:9

Nocon Diosicai tsoan finontiroma. Nantofin nantifi finoanquin. Man a fu rafuaino mato cushusharainocai maton pushu ano ahuara chaca nocotiroma.

Apocalipsis 7:14

Ascaiton un cuma, —Ma. Uncai tapiama. Minfin tapiaquin. Minfin ua yoitiroquin, —un huaiton. —Nanfo fasi omitsiscani. Ascaifoan Diospan Furun nan chashoan facu cahuanshara cuscaraton ato nashonihuunshon ato chaca soashona ato imasharanon. Nanscacun ato sahuuti oshopa shara sahuumana.

Juan 16:20

Un mato shafacafi yoinon. Un omitsiscaino ua icoinra huamafo fasi unimashcani. Mancai ascashquima man ua manoshquin uaiquin. Uaifiashu chipo fasi man unimashquin.

Mateo 24:22

Ascashu nan omitsiscaifotian nantifi yorafo cuyocuashquin. Diosin ahuun yorafo nan catoanfo atohuun ramapaiqui omitsiscaifotian ato shatumariscashquin.

1 Samuel 24:3

Ascan nan fai cusumunri chashoanfo icafo ano Saúl mahua quini muran iquini ano poishquin. Tapinima nan mahua quini muran David yafi a fu rafuafo a muran onufiacun.

Lucas 13:34

¡Ohua! Jerusalén ano icafoan. Manfin Diosin tsain yoimisifo rutufain nan Diosin matoqui nichian futsafori man toquirinin ato tsacaqui nanonfo. ¡Ohua! Tacaranun ahuun facufo ahuun pui naman onutiro cuscan huaquin un mato yafi mato yorafo cushupaifia mancai ua nicapaimisima. Manricai uqui fumisima un mato cushunon.

1 Samuel 24:8

Samamashta arifi quini murannoashu cani David Saúl cunani. —¡Uhuun niaifon, minfin uhuun niaifoquin! —ishon cunani. Ascaiton Saúl ifiacucahuan oian David maiqui fuohua ini.

1 Samuel 24:4

Ascan David fu rafuafoan fashushu yoinifo, —Natian min Saúl rututiro mia afanan fucash huanonma. Na shafatan nocon Ifo Diosin mia yoia isca huaquin, “Un Saúl miqui nichishquin min apaiyai cuscan min huanon,” —ishon ahuun yorafo David yoini. Ascaino funaiquimashta acachori mushofusho tsoan nicayamaino David Saúl ahuun sahuuti uhuapamashta cunotinin shatuni.

1 Samuel 26:9

Ascaiton David cumani isca huaquin, —¡Ma! Rutuyamahuu. Nocon Ifo Diosin Saúl nocon niaifo inon catonniquin. Non rutuashu non chaca itiro.