Salmos 34:6 - Sharanahua: Diospan Tsain

⁶ Un fasi omitsiscaquin uhuun Ifo yopacoinquin un cufian. Un cufiain cuscan ua nicaquin uhuun nomuran ua fucash huamisi cuscan uhuun Ifoan ua numa un afanan omitsiscanonma. Ahuara chacafo uhuun nomurannoa nantifi uhuun Diosin ua numa.

Salmos 34:6 Referans Kwoze

2 Samuel 22:1

Ascan nocon Ifo Diosin David numani Saúl rutunonma. Ascatari nan noicasmaifoanri David rutupaifiainfoan Upa Diosin David numani. Ascacun David nocon Ifo Diosi fanainshoni isca huaqui,

Salmos 40:17

Uhuun Ifon, uncai ahuama. Un mia fasi yopai. Ua shinanpun. Min ua ashosharafain min ua numamisi. Upa Diosin ua manamaquima. Oriscahuun ua numashquin.

Génesis 48:16

Ahuun oinmati a fu nai muran icaya ua nichini un ahuara chaca finononma. Nan furonanfacu rafu Diosicoinin shara huapacunaca. Nan rafu isharapainon uhuun anu non uhuun shota Abraham anu non uhuun upa Isaac anuhuunoari futsafoan yoisharanonfo. Aton funafo ichaparasi inonforan, —ishon Jacob yoini.

1 Samuel 1:18

Nannori yoiaiton nicatan Anapan Elí cumani isca huaquin, —¡Aicho! Mian cumashararan, —ishon yoitan cashon piini. Afanancai Anapan shinanchacanima.