Salmos 34:3 - Sharanahua: Diospan Tsain

³ Non ichananon nocon Ifohuunoa yoisharashquin. Non yoiquin isca huanon, —Nocon Ifon Diosin fustitofin ahuamamishti huatiroquin. Nan fustitocai ahuashta chaca huamisima. Tsoa futsacai a cuscarama. Nan fusti fasi sharafinacoian, —ishon non yoinon.

Salmos 34:3 Referans Kwoze

Lucas 1:46

Ascaiton María arifi ahuun yayan yoini, “Uhuun nomuranshon un shinanqui isca huaa, ‘Ifon min sharacoin. Tsoa futsacai mia cuscara sharama.

Salmos 40:16

Ascan mi fu rafumisifo minhuunoashu unimacain aton nomuran roama roama sharanonfo. Minfin nocon chaca soashonaquin non mi fu nipanon. Nan tapicoincashonfin mia noicoincaniquin. Ascan oi ashcafinin isca huaquin yoipacupainonfo, —Nocon Ifo Diosin, min nantifi finoncoian. Tsoa futsacai mia cuscara sharamaran, —ishon yoipacupainonfo.

Apocalipsis 14:7

Oi ashcafinin ato yoia isca huaquin, —Diosquiri shinancahuun. Mato yonoa cuscan man ayamashu aqui ratucoincahuun. Nicacoinsharacahuun. “Min sharacoin min ahuamamishti min atiroran,” huacahuun. Natian Diosin nantifi chacamisifo onaintimai. Nanton nai onihuafain mai onihuafain unuhuan saoya onihuafain unu tsosi sharari onihuani. Ascan a noicahuun. A yoihuu isca huaquin, “Min sharacoin min ahuamamishti atiro. Min nocon Ifon Dios shararan,” huacahuun, —ato huaa.

Hechos 19:17

Atohuunoa Efeso anoafo Israelifo non yora futsafori nicacani ratui futsunifo. —Nocon Ifon Jesús fasi shararan, —huanifo.

Filipenses 1:20

Upa Diosin ua amapaiyai cuscan un fasi huapaicoincai un rafitiroma. Un rafitamarocon un niyoashu iyamarai un naicain un ratuima. Un ascaiton oinquin futsafoan Jesushuunoa shinansharanonfo.