Salmos 32:7 - Sharanahua: Diospan Tsain

⁷ Uhuun Ifon, un miqui catiro ua mian cushusharanon ua noicasmaifoan ua fuchinonfoma. Ahuara chaca ua finonfiaiton min ua cushushara ua tsoan ahuusca huanonma. Ahuara ahuuscarafiaino min ua cushua. Ascacun min yorafo fu non fanaincacainni man minmain ua numacufin.

Salmos 32:7 Referans Kwoze

Salmos 91:1

Ifo Diosin nantifi finoncoian. Nanton ahuamamishti huatiro. Ascan ratora futsa a fu rafuaiton cushusharai ahuun nomuran shinanmasharai ahuara chacafoancai a ratutiroma.

Salmos 27:5

Un nanno a fu icano un chaca finonfiaiton uhuun Ifoan ua cushushara un ahuuscanonma. Nanno ua onushquin. Nanton ua toquirininhuan camaqui ua nichishquin ahua chaca uqui nocononma.

Salmos 40:3

Ascashon nocon Ifo Diosin ua fanainti funa shara tapimana uhuun Ifo Dioshuunoashu un fanainsharanon. Nocon Ifoan ua shara huashoa cuscan yora ichapafoan nicacani arifi nocon Ifo afanan chaca huapaitama nan icoinra huashcani.

Apocalipsis 7:10

Nanfoan oi ashcafinin yoiafo isca huaquin, “Nocon Upa Diosin futan Furun Jesús noco nimapacuafo. Nocon Ifo Jesús nan chashoan facu cahuanshara cuscara nocohuunoashu nani nocon chaca soashoshquin non afu nipanon,” ishon yoiafo.

2 Samuel 22:1

Ascan nocon Ifo Diosin David numani Saúl rutunonma. Ascatari nan noicasmaifoanri David rutupaifiainfoan Upa Diosin David numani. Ascacun David nocon Ifo Diosi fanainshoni isca huaqui,

Salmos 32:10

Ascan tsoan Ifo Diosi chaca huamisishaquin fasi omitsiscashquiquin. Asca tsoan nocon Ifo icoinra huatan a fu icacainaifin atohuun noiquin unupacunacamaquin.

Colosenses 3:3

Afanan un mato yoi Cristo noco nashoni. Ascan manfin afu naa shinantsayoniquin. Natianfin man Cristo fu rafucain Upa Dios furi man icacaini. Nanscarifiai mato furi Upa Dios icacaini. Man ascafiaitocai tsoanshta ointirofoma man Cristo fu rafuai cuscan afu isharashcaquin.