Salmos 32:6 - Sharanahua: Diospan Tsain

⁶ Unu faitanhuan nocoriscaino yorafo machi cuya ano foriscatirofo unu atoqui nocononma. Ascashu tsoanshtacai asatiroma. Nanscarifi ai Ifo Diosin tanamisifoan chaca huashu miqui focashon mia yoiaifoan oinquin min ato chaca soashotiro. Ascan nan mia chaca huamisifo min ato onaintimaitiancai nan mia tanamisiforicai min ato onaintimaima.

Salmos 32:6 Referans Kwoze

2 Corintios 6:2

Nan Diosin tsain yoimisi Isaías ahuun tsain inonpacoai cuscan cunuquin isca huani, “‘Noco numahuu,’ ishon man ua yoia. Un mato nicafain un matohuun ramapaicai un mato numaran,” ishon Diosin yoini cuscan Isaías inonpacoai cuscan cununi. Ascacun nicasharacahuun. Diosin natian matohuun ramapaiquin. Cristohuunshon mato numanon. Natian nicasharacahuun.

Juan 7:34

Un mato anoashu caitocai man ua funafiaquin ua fuchishquima. Un cai aricai man catiromaran, —ishon ato yoini.

Salmos 42:7

Unuhuan fuchomanhuan furannaino noco tsoa ihuiyamaino non asantiro. Nanscarifi ai un natian omitsiscaiton mian numataima. Min ua ahuara chacafo fuma cuscan nicaquicai un afanan tunutiroma. Nan afohuunoashu un asain cafiscai.

Salmos 40:3

Ascashon nocon Ifo Diosin ua fanainti funa shara tapimana uhuun Ifo Dioshuunoashu un fanainsharanon. Nocon Ifoan ua shara huashoa cuscan yora ichapafoan nicacani arifi nocon Ifo afanan chaca huapaitama nan icoinra huashcani.

Tito 2:12

Ascano nan tsain non icoinra huaiton nocorifi tapimai non afanan Diosimaisi inonma. Ascashocai non chaca huapaoni cuscan non afanan atiroma. Ahuaraton noco shinanchacamapaiyai cuscacai non afohuunoa shinantiroma. Ascatama ahuara ahuuscarafiaino non isharatiro. Natian Upa Diosin noco amapaiyai cuscan fusti non atiro.

1 Timoteo 1:16

Ascacun uhuunshon Upa Diosin nantifi yora ismatiro nan chaca finacaia ahuun chaca soashotiro afu ipanon. Isca huaquin shinantirofo, —Shinancapon, Pablonun fasi chaca huapaonifiacun Jesucristo fasi Pablo noiquin. Jesús uarifi noitiro. Pablo numaquifin uarifi numatiroquin un afu nipanon, —icashon shinantirofo.

Salmos 91:7

Ascan man icano mil yora nayamarai diez mil nafiatirocun ratuyamacahuun. Nocon Ifoan noco cushuanocai ahuara chaca nocoqui nocotiroma.