Salmos 32:5 - Sharanahua: Diospan Tsain

⁵ Upa Diosin ipaitama un chaca hua cuscan mun mia yoia. Uncai afanan mia fomainma. Mun yoia isca huaquin, —Natian un chaca hua cuscan uhuun Ifo un yoiquin, —ishon un yoiaiton min uhuun chaca ua soashona. Minfin ua rau huaquin afanancai uhuun chacahuunoa min shinainma. Urifi uncai afanan uhuun chacahuunoa shinainma. Uhuuncai afanan chaca nuama.

Salmos 32:5 Referans Kwoze

2 Samuel 12:13

Nannori yoiaiton nicaquin David Natán yoini, —Unfin Diosqui chaca huaquin, —ishon yoiaiton. Natán David cumani isca huaquin, —Nocon Ifo Diosin min chaca hua cuscan mia soashona. Mincai naima.

Salmos 103:12

Fari oaiquiri chashainacahuatiro. Ascatan iquipacutiro. Afanancai noconantirofoma. Nanscarifi ai nocon chaca noco soashonano afanan nocon chaca no fu ipanacama.

Efesios 4:32

Ascatamarocon mafin ranan noinancahuun. Nantifihuun ramapaicahuun. Upa Diosin Cristohuunshon mato rauhua cuscan huafain nanscarifiai rau huatanancahuun.

Lucas 7:47

Ascacun un mia yoi. Na ainfoan ahuara ichapa chaca huafiamisicun natian ahuun chaca mun soashona. Ascashori mun rau huacoinna uhuun fasi noiaiton. Asca tsoan shinanquin isca huai, “Uncai ichapa chaca huamisima. Ascacun uari uhuun chaca ichapama ua rau huashotiroran,” ishon shinaintocain ua ichapa noimaran, —ishon Jesús Fariseo yoini.

Salmos 103:3

Un chaca hua cuscan nantifi Diosin ua rau hua afanan afohuunoa shinanonma. Un pau futsa futsatapafo fuchia cuscan nantifi Diosin ua caya huamisi.

Salmos 86:15

Ascafia mincai ato cuscarama. Minfin yorafohuun ramapaicoinquin. Min ato shara huamisi. Mincai funa sinamisima. Nantishotapiquin nocohuun noicoin. Min yoiain cuscan huamisi. Mincai noco potamisima.

Salmos 86:5

Un mia chacahua cuscan mian rauhua. Min fasi shara. Tsoan mia cufiain min fasi atohuun noiquin.

2 Samuel 12:9

¿Ascan ahuuscaquin uhuun tsain ahuamaran ishon min shinanmun? ¿Ahuuscai min chaca huamun? Min Amonitafohuunshon Urías rutufain ahuun ahuin min fiian min ahuin inon.

Josué 7:19

Ascatan Josué Acán yoini isca huaquin, —Tsain icocoin fusti yoihuun nocon Ifo Diosi noco yononi cuscan. Min ascaifin minrifi min nocon Ifo Dioshuunoa yorafo shinanmasharatiroquin. Dioshuunoa yoisharahuun. Min aca cuscan noco yoihuun. Ua fomanyamahuun, —ishon Josué Acán yoini.

Lucas 16:15

Onanshon Jesús ato yoini, —“Nafofin sharafoquin” man yorafo huamapaifiaiton Diosin man mato onan. Manfin yorafo paratiroquin “Nafoanfin shara huacaniquin,” ishon yorafo man shinanmapaifiaiton Diosin man mato onancoinshon ahuun nomuran shinain, “Nafoan fasi chaca huacaniran,” ishon Diosin matohuunoa shinain, —ishon Jesús ato yoini.

Salmos 51:6

Uhuun Ifon, non icon fusti yoifain cayacafi fusti non shinainton oinquifin nanscarafin min fasi fuchipaicoinquin. Un icon yoifain icon shinainton min uhuun nomuran ua ahuara cayacafi tapimatiro.