Salmos 32:1 - Sharanahua: Diospan Tsain

¹ Tsoan ahuun chaca yoiaiton nocon Ifo Diosin samamashta rau huatiro. Nocon Ifo Diosin rau huanocai afanan ahuun chacahuunoa shinainma. Ascashu fasi unimacointiro.

Salmos 32:1 Referans Kwoze

Apocalipsis 22:14

Jerusalén funa muran iquishon nan nii ahuun fimi pipaiquin pitiro nipashquin. Nanscarifiai Upa Dios fu icaino arus fusti mato nimapacutiro. Nan ua icoinra huafo aton chaca soashona nanfo fusti uhuun Upa Diosin ato iquimatiro nofu ipanonfo.

Salmos 40:4

Tsoan nocon Ifo icoinra huashu fasi unimashquin. Ascashucai a cacapaimisifo fu ipaima. Nan dioscoinfoma nan rami huafo cufimisifo furicai ipaima. Nocon Ifo Diosi fustifin icoinra huaiquin.

Lucas 11:28

Ascatan Jesús cumani, —Ai, nan min yoiai cuscan iconfiashu tsoan Diosin tsain nan nica cuscacoin Diosin nan unimamatiro finacoian, —ishon cumani.

Salmos 42:1

Chasho nomicoin ashashaitiro shushanqui nocoriscapai ayashquin. Nanscarifi ai uhuun Upa Diosin un fasi mia yopai mi fu ipashquin.

Mateo 16:17

Ascaiton Jesús cumani, —Simón, minfin Jonás ahuun facuquin. Diosin mia noiquin mia shara huaa. Rato nocofununcai mia tapimanama un Diospan facu. Uhuun Upa Diosin nan nai muran icaton mia tapimana.

2 Samuel 12:13

Nannori yoiaiton nicaquin David Natán yoini, —Unfin Diosqui chaca huaquin, —ishon yoiaiton. Natán David cumani isca huaquin, —Nocon Ifo Diosin min chaca hua cuscan mia soashona. Mincai naima.

Salmos 103:3

Un chaca hua cuscan nantifi Diosin ua rau hua afanan afohuunoa shinanonma. Un pau futsa futsatapafo fuchia cuscan nantifi Diosin ua caya huamisi.