Salmos 27:5 - Sharanahua: Diospan Tsain

⁵ Un nanno a fu icano un chaca finonfiaiton uhuun Ifoan ua cushushara un ahuuscanonma. Nanno ua onushquin. Nanton ua toquirininhuan camaqui ua nichishquin ahua chaca uqui nocononma.

Salmos 27:5 Referans Kwoze

Salmos 91:1

Ifo Diosin nantifi finoncoian. Nanton ahuamamishti huatiro. Ascan ratora futsa a fu rafuaiton cushusharai ahuun nomuran shinanmasharai ahuara chacafoancai a ratutiroma.

Salmos 40:2

Uhuun nomuran un fasi omitsiscaquin mua nan quininhuan micha muran iquia mutsa un mua. Ascaiton nocon Ifo Diosin ua nan quini murannoa tsucai cafisca huatan ua toquirininhuan camaqui niima un afanan pacunonma.

Colosenses 3:3

Afanan un mato yoi Cristo noco nashoni. Ascan manfin afu naa shinantsayoniquin. Natianfin man Cristo fu rafucain Upa Dios furi man icacaini. Nanscarifiai mato furi Upa Dios icacaini. Man ascafiaitocai tsoanshta ointirofoma man Cristo fu rafuai cuscan afu isharashcaquin.

Salmos 46:1

Diosin no fu ishon noco cushushara. Ahuun curushu noco inain. Ahuara chaca non finoainnofin nan noco fu imisiquin noco ashoshquin.

Salmos 91:15

Ua cunaiton un cumashquin. Ahuara chaca finoaintian un a fu iishquin. Un numafain un ahuunoa yoiquinshara huashquin.

Salmos 57:1

Uhuun Diosin un miqui oa min ua cushunon. Ascacun uhuun ramapaihuu, ua shinanpun. Natian ahuarafoan ua omitsisca huamapai. Nan tacara facumishti ahuan putaon muran onutiro ato cushuquin. Nanscarifiai un miqui oa min ua cushusharanon.

Mateo 23:37

¡Ohua! Jerusalén ano icafoan. Manfin Diosin tsain yoimisifo rutufain nan Diosin matoqui nichian futsafori man toquirinin ato tsacaqui nanonfo. ¡Ohua! Tacaranun ahuun facufo ahuun pui naman onutiro cuscan huaquin un mato yorafoya cushupaifia mancaifin ua nicacasmamisiquin. Manricai uqui fumisima un mato cushunon.

Salmos 40:3

Ascashon nocon Ifo Diosin ua fanainti funa shara tapimana uhuun Ifo Dioshuunoashu un fanainsharanon. Nocon Ifoan ua shara huashoa cuscan yora ichapafoan nicacani arifi nocon Ifo afanan chaca huapaitama nan icoinra huashcani.