Salmos 19:9 - Sharanahua: Diospan Tsain

⁹ Non shinain isca huaquin, —Uhuun Ifo Diosin ua yononi cuscan ayamaifin un funo cuana. Ascan uhuun Ifo noiquin un tanasharairan, —ishon nannori shinainfin man isharapacutiroquin chaca huashquima. Nocon Ifo Diosin noco yononi cuscan shara fustisi. Nantifi cayacaficoin.

Salmos 19:9 Referans Kwoze

1 Samuel 12:24

Ascatari ointiaquimayamacahuun nocon Ifo Diosin ahuara shara mato ashoa cuscan. Nan nocon Ifo Diosi fusti nicasharacoincahuun nan mato yoia cuscan ahuun curushhuunshon ashofafaincahuun. Nan mato shara huamisi cuscan nanfohuunoa shinanfafaincahuun.

Salmos 119:1

Nan nocon Ifo Diosin ato yonoa cuscan huafain tsoan chaca huamisimafin fasi unimashquicaniquin.

Apocalipsis 15:3

Aton arpa tsomacashon Diospan oinmati Moisés yafi Jesús nan chashoanun facu cahuanshara cuscara fanainmisi cuscan atorifi nannori fanaincani isca huaquin, “Ifon, mincaifin Diosiquin. Min ahuamamishti atiro. Min amisi cuscan sharacoin. Tsoan futsacai atiroma. Min manifoti nantifi aton niaifocoin ipanaca. Min shinanmisi cuscan cayacafi iconcoin.

Deuteronomio 4:8

Nocon Ifo Diosin noco yonoa cusca un mato yoi. Nanton noco yonoa cusca fasi shara. Nan noco yonoa cusca ai non isharacointiro. Mani futsafoan aton diosifocai ascarafoma.

Génesis 42:18

Osha rafu non fusti finontan ato caimani. Ascashon ato yoiquin isca huani, —Un mato yoiai cuscan man ai man nitiro. Urifi un Diosiqui musui.

Apocalipsis 16:7

Asca huashon Dios icanoa nai muran nan cufiti ano fustishosi Upa Diosin cufinmisifo anoa un futsanfo nica yoiquin isca huaifoan, —Nocon Ifon Diosin, min nai oinmati yoia cuscan iconcoin. Mia nicayosma shunifo min ato icon cayacafi ato onaintimairan, —ishon yoiafo.

Romanos 2:2

Nan non ahuara chaca huamisi cuscan nantifi Upa Diosin man tapicoian. Ascan man non tapian nan chaca huamisifo iconcoin ato onaintimai.

Salmos 119:7

Min noco yononi cuscan fasi shara. Ascacun un nanfo tapishon uhuun nomuran un shinansharai minhuunoa yoiquin shara huashquin.

Génesis 22:12

—Min facu ahuusca huayamahuu. Natian mun mia tapia min Diosi nicacoin shara. Mia yoiai cuscan min aa. Nan min facu fusti min Diosi fishcoama. Min inanran, —ishon Diospan oinmatinin yoini.

Romanos 11:22

Ascacun shinancapon. Upa Diosin matohuun ramapaiquin ahuun yorafo mato imai. Israelifoan icoinra huayamaifoan ato onaintimaquin ato potani. Ascan matohuun ramapaiyai cuscan shinanfafaicahuun. Icoinra huafafaincahuun. Man ascayamaiton matori potatiroquin.

Hechos 10:22

—Nocon niaifo ranushumuaton noco nichian non mia ihuunon. Nanton nocofunu shara. Diosquiri shinanfafaimisi. Cornelio nocofunu shararan min caifo Israelifoan huamisifo. Diospan oinmati sharapan afu nai muran icaton yonoa, “Pedro min pushu ano ihuitahuun mia yoisharanon,” ishon yoitan. Ascan “Ua ihuishotacahuun,” noco huaiton. Non mia ihui oaquin —huanifo.