Salmos 19:8 - Sharanahua: Diospan Tsain

⁸ Nocon Ifo Diosin tsain cayacaficoin. Non tanaiton nocon nomuran unimamasharatiro. Nocon Ifoan noco yononi cuscan shafacaficoin. Noco tapimanaino non isharatiro funopacushquima.

Salmos 19:8 Referans Kwoze

Salmos 119:105

Min tsainfin nan uhuun lampara cuscaraquin. Nanhuunshon faquishi muran un oinsharatiro min fai tanasharashquin.

Romanos 7:22

Uhuun nomuran, —¡Aicho! Upa Diosin ua yonoa cuscan shararan, —ishon shinanfiai un nicayosmamisi. Ua yonoa cuscan mun tapifiashu un nicayosmamisi. Chaca uhuun ifono ufi sharapaiyain cuscan un atiroma. Uncai chaca shatutiroma. Ascano un tapitiro uhuun nomuranshon un Upa Diosin oinmati ipai ua yononi cuscan aashquin. Ascafia un Dios ifo huayamaino un chacapan ahuun oinmati itiro ua yonomapaiyai cuscan aashquin. ¡Ohuashta! Uhuun nomuran un omitsiscai. Unfin chacaquin. ¿Tsoan ua numatiromun chaca afanan uhuun ifo inonma? Nocon Ifo Jesucristohuunshon Upa Diosin noco numani chaca afanan noco ifo inonma. ¡Aicho! Upa Diosin, min noco shara huamisi.

Gálatas 2:19

Ascan Moisés yononi cuscan ayamaquin mun tapini uncai afohuunoashu isharatiroma. Un ascainocai Upa Diosin uqui unimatiroma. Ascacun nanfohuunshon un tapini Cristo fusti un icoinra huaino Upa Diosin uqui unimatiro. Ascashu un ahuun yora itiro. Ascan natiancai un afanan Moisés yononi cuscahuunoa shinanpainacama ua nimapacunon. Afanan ascara shinantama un Dios fusti fu rafui isharashquin.

Romanos 3:20

Ascacucai Upa Diosin tsohuunoa yoitiroma isca huaquin, —Un mato yononi cuscan man amisi. Man ahua chaca huamisimaran, —noco huatiroma. Diosin noco yononi cuscan man non tapicoinfiashon nanhuunshon non shinantiro, —¡Ohua! Upa Diosin yononi cuscacoincai un amisima. Urifi un chaca huamisiran, —ishon non shinantiro.

Romanos 7:7

¿Ascano Upa Diosin Moiséshuunshon yononi cuscan chacamun? Ma. Anorima. Amaquiri shinanyamacahuun. Moisés cununi cuscan un oinyamashon un chaca huamisi un tapicuanama. Uhuun nomuran un chaca fuchipaipaoni cuscan uhuun ointi un noconi. Moisés cununi cuscan un oinyamashon uhuun ointi muran un shinancuanama.

Salmos 119:130

Ascan futsan min tsain tapisharashon futsafori tapima sharatiro ahuuscashumain non isharatiroquin. Tapisharamafoanri min tsain nicacaquin tapisharatirofo.

Éxodo 18:16

Nanfoan nannorisi shinanyamacani uqui fucani nan shinainfo cusca ua yoi fucani. Ascano ua yoiaifoan nicaquin Diosin ato yosipaiyai cusca un ato yoifain noco yonoa cuscari un ato tapimai. Ascano ratofoanmain cayacafi shinaincain un nannori ato yoimisiran, —ishon Moisés ahuun raisi yoiaiton nicaquin.

Gálatas 3:21

¿Ascan Upa Diosin inonpacoaifo yoiyoni cuscan yafi Moisés yononi cuscan ascaracoin shinainmamun? Ma. Upa Diosin tsaincai rafuma. Upa Diosin Moisés yononi cuscahuunshon noco nimapacutirocun nanfohuunshon nocon chaca soashocuana non a cuscara shara inon.