Salmos 139:18 - Sharanahua: Diospan Tsain

¹⁸ Urificai un ato tanan huatiroma. Mainfin ahuun furomishticai tsoan tanan huatiroma. Nanscarifi ai uhuunoa min shinanpan min shinansharai cuscacai un tanan huatiroma. Un moiainori min u fu ica.

Salmos 139:18 Referans Kwoze

Salmos 139:3

Un acataima man min uhuunoa tapian. Min ua tapimatiro ranishomain un tunuyotiroquin. Shafatisho yafi yamutishori un acai cuscan man min tapian.

Salmos 40:5

Uhuun Ifo Diosin, min ahuamamishti huatiro cuscan tsoan ascara oinyomisima min noco ismamisi cuscan huafain min noco ahuarafo ichapafo ashoshquiai cuscacai tsoanshta tanan huatiroma. Nanfohuunoa un mato yoipaifiaquicai un mato fasi chaicoincun yoiquin nocotiroma.

Daniel 12:2

Nantiari yora ichapa namisifo funishquicani. Ascashu funitan Diosi icano a fu nipashquicani. Atirifoanri niyoshon tsoan Ifo Diosi nicapaimisima nanfofin rafipaishquicaniquin. Nanfohuunoa Upa Diosin shinanchacapacunacaquin.

Salmos 40:12

Ascan ahuara ichapa chacacoinfo uqui nocoa. Nan chacafocai tsoan tanan huatiroma. Un mia chaca hua cuscaricai un tanan huatiroma. Afohuunoa un shinain uhuun nomuran un omitsiscai uhuun ointi man nishma cuana.

Salmos 40:6

Upa Diosin, non inafo rutushon coatan hua rafanan noco chaca min soashoni. Ascafiacai ascara min fuchipaima. Non ahuara futsafori non mia inanpaifiaiton acai min fuchipaima. Natian mun tapia min noco nicamapai min noco yoiai cuscan non aiton.