Salmos 133:3 - Sharanahua: Diospan Tsain

³ Nan machi ahuun anu Hermón ano nifipan muchana huai. Nannoshori machi futsa ahuun anu Sión muchana huaquin shara huai ahuarafo muto inonfoma. Nanscarifi ai Diospan Yoshin Sharahuunshon ahuun yorafo noinantanancanashu aton nomuran mutotirofoma. Ascaifoan nocon Ifoan ato shara huashoshquin.

Salmos 133:3 Referans Kwoze

Salmos 42:8

Ascafia shafatifi min ua noicoinquin ua ismafafaini. Yamutifiri min ua unimamai un fanainon. Nantianri un mia cufin min ua nimasharamisicun.

1 Juan 5:11

Isca huaquin Upa Diosin yoini, —Uhuun facuhuunshon un mato nimapacutiroran, —ishon yoini.

Romanos 5:21

Ipaoni chaca fustisi yorafoan aton ifo icaino ato namaquin futsani. Ascafiashu natian Upa Diosin nocohuun ramapaiyaino nocon Ifo itiro. Nocon Ifo Jesucristohuunshon nocon chaca noco soashotiro a cuscara shara non inon afu ipashquin.

Salmos 16:11

Ahuuscashumain un mi fu nipasharatiroquin minfin mian tapimanaquin. Un miqui nocoaitian mian unimamacoinshquin. Mian oinmamisi un niyocun ahuuscashumain un mi fu ipasharatiroquin. Un mi fu rafuaino min uqui fasi unimashquin. Minhuunnoashu un fasi unimai mi fu isharapacunaca.

Romanos 6:23

Tsoa chaca ahuun ifono ahuunshon ato omitsiscapanacafo muran potashquin. Ascafia nocon Ifo Jesucristohuunshon Upa Diosin noco cashman numano non afu ipanon.

Juan 6:68

Pedronun cumani, —Ifon, non rato futsacai non catiroma. Mirus fusti min noco yoitiro ahuuscashumain non nipasharatiroquin.

Apocalipsis 1:18

Unfi ipamisiquin. Mun nafianishaquin un afanan funini. Ascashu un nipanaca. Yorafo naitian urus fusti un ato numatiro. Un shafi cuscara aya. Un fupotiro omitsiscapanacafo muran fotamarocon Upa Dios icari fononfo. Ascafia ascayamaifoan un fuputiro omitsiscapanacafo muran fononfo. Unfin nipanacaquin.

1 Juan 2:25

Noco yoiyotiani cuscan non afu ipasharatiroquin.

Juan 5:24

Un mato iconcoin yoinon. Tsoan uhuun tsain nicasharafain Upa Diosin ua nichini icoinra huafin Upa Dios fu ipasharapacunacaquin. Un nan cuscara yora onaintimaima. Afanancai Satanás ahuun yora itiroma. Omitsiscapatamarocon natian afi Upa Diosin ahuun yoracoinquin afu ipashquin.

Juan 4:14

Ascafia tsoan na unu un ato ayamacai afanan nomipacunacama. Iconcoin na unu un inanquin a muran unu tsosi shara fuchoi cafiscai. Ayashu nan unuhuunoashu ipasharacointiro, —huaiton.