Salmos 124:1 - Sharanahua: Diospan Tsain

^1-3 Ascan man Diosi ahuun yorafoquin yoiquin isca huacahuun, —Nocon Ifo Diosin fu non iyamaino nan noco noicasmamisifoan nocoqui sinacaquin noco rutuqui cuyo cuanafo, —nannori Israelifo yoitiro.

Salmos 124:1 Referans Kwoze

Romanos 8:31

¿Noco asca huasharaino non raquiri yoitiromun? ¿Upa Diosin noco shara huafafainaino futsafoan noco raquiri huatiromun?

Salmos 121:1

Un machifo oinquin un shinan isca huaquin, —¿Na machifoanmun ua ashotiroquin? —ishon un shinan. Ma. Ascan na machifoancai ua ashotiroma. Nan nocon Ifon Diosi fustitofin ua ashotiroquin. Nantofin nantifi onihuaniquin. Machifo yafi mai anoafoti nantifi nai murannoafori oni huani.

Salmos 46:7

Diosin ahuamamishti huafain ahuun curushhuunshon nantifi finoncoian. Nanfin noco fu icaquin. Jacob ahuun Diosin nocon cushumisi. Nanfohuunoa shinancahuun.

Salmos 27:1

Uhuun Ifo Diosifin uhuun faro cuscaraquin. Uhuun chaca ua soashona un a fu nipanon. Uhuun Ifoanfin ua cushusharaquin un futsafoqui ratutiroma. Uhuun Ifoanfin ua numapacunacaquin. Uncai tsoaquin musutiroma.

Salmos 127:1

Nocon Ifo Diosin pushu oni huayamaino pushu yonomisifo ipaitsi yonotirofo. Nocon Ifo Diosin pushu rasi cushuyamaino pushu cushumisifori ipaitsi cushutirofo.

Salmos 130:1

Uhuun Ifo Diosin, uhuun nomuran un fasi omitsiscai. Uhuun nomuranshocai un shara muima. Ascacun uhuun Ifon un mia cufin.

Salmos 133:1

Diospan yorafoan nannorisi shinancani fasi unimasharatirofo.

Éxodo 15:1

Natian Moisés fu Israelifo nocon Ifo Diosihuunoa shinansharai cusca fanainquin iscanifo, —Unfin nocon Ifo Diosi fanainsharashonicai. Tsoa futsacai a cuscara sharama. Nantofin nantifi finoncoianquin. Nantifi Egipciofoan aton caballofo non aton taramuti acamaqui tsaoafo unuhuan muran man min asamana.

Salmos 46:11

Ascacun afanan shinancahuun. Diosin ahuamamishti huafain ahuun curushhuunshon nantifi finoncoian. Nanfin noco fu icaquin. Jacob ahuun Diosin nocon cushumisi.

Salmos 131:1

Uhuun Ifon, uncai cacapaimisima. Uhuun nomuranshoncai un shinanquin isca huaima, —Futsafocai ua cuscara sharama. Unfin ato finoncoianquin, —ishoncai un shinainma. Diosin fustitofin nantifi tapicoianquin. Ahuarafo nocon Ifo fustiton tapia cuscacai afohuunoacai un shinainma.

Génesis 31:42

Uhuun upa Isaac yafi uhuun shota Abraham aton Diosi u fu iyamacun mian maisi nichi cuana. Ascafiaiton un omitsiscai cuscan uhuun Diosin ua oian. Un mia curushcain yonoshona cuscan oian. Ascacun min namapan Diosin mia yoia mian chaca huanonma, —ishon yoiaiton.