Salmos 119:2 - Sharanahua: Diospan Tsain

² Ascan tsoan nan nocon Ifoan ahuun tsain yoia cuscan amisifin ahuun nomuran nocon Ifon onanpaifain a fu rafucain fasi unimashquiquin.

Salmos 119:2 Referans Kwoze

Salmos 119:10

Uhuun Ifon, uhuun nomuranshon un mia fasi funai mi fu rafushquin. Ascacun ua cushupun min tsain un potanonma.

Deuteronomio 4:29

Ascafia man mai futsanoshon nocon Ifo Diosi afanan chaca huatama aqui nasopaicoinquin. Maton nomuranshon shinancoin. Man a fu rafupaicoinquin. Man ahuun tsain nicacoian cusca man ascaifin afanan nocon Ifo Diosi fu man rafutiroquin. Man ascaino afanan Diosin mato fu iishquin.

Juan 14:23

Jesús cumani, —Tsoan ua noi un mato yosiain cuscan ua nicacointiro. Uhuun Upa ahuun noiaino urifi un ahuun noi. Non afu rafupacushquin.

Deuteronomio 6:17

Nocon Ifo Diosin nantifi mato yononi cusca nicasharacahuun.

1 Juan 3:20

Ascafia nocon nomuran non shinanquin isca huai, —Un ahua chaca huamaran, —non ifiaiton Diosin nocon nomuran nantifi tapicoian.

Deuteronomio 6:5

Nocon Ifo Diosi maton shinanhuunshon fasi noicoinfain maton nomuran fasi noicoinfain maton curushhuunshon fasi noicoincahuun.