Salmos 103:3 - Sharanahua: Diospan Tsain

³ Un chaca hua cuscan nantifi Diosin ua rau hua afanan afohuunoa shinanonma. Un pau futsa futsatapafo fuchia cuscan nantifi Diosin ua caya huamisi.

Salmos 103:3 Referans Kwoze

Éxodo 15:26

—Nan un mato yonoai cuscan ua man nicasharaitocai un mato nan Egipciofo pau futsa futsatapafo fuchimamisi cuscacai nan pau man fuchishquima. Unfin maton Ifoquin. Un mato caya huamashquiran, —ishon nocon Ifo Diosin Israelifo yoini.

Santiago 5:15

Man icoinra huacoinshon isinincaifo man cufishonaino cayasharatiro muma shara itiro. Nanton chaca huamisicun Upa Diosin a caya huafain ahuun chaca soashotiro.

Marcos 2:5

Jesús oian nan nocofunu yoratishon charishi futsua ahuun yorafoan fasi icoinra huaifoan. Oinquin a yoratishon charishi futsua yoini, —Uhuun yorashta, mun mia chaca soashona, —huani.

Números 12:13

Nannori Aarón yoiaiton nicaquin Moisés nocon Ifo cufinni isca huaquin, —Uhuun Diosin, uhuun chipi caya huapun, —ishon nannori ahuun chipi cufinshoni.

Salmos 130:8

Nan fustifin nocon Numamisiquin. Israelifo nan ahuun yorafo ato numa aqui chaca huamisi cuscan nantifi aton chaca soashona afanan ascara chacafo shinanonma.

Efesios 1:7

Jesús noco nashoni ahuun imi foyanan. Ascan nantorifi nocon chaca soashonano ahuunshon Upa Diosin noco rau huatiro non afu ipanon. Ascacun non tapitiro Upa Diosin fasi nocohuun ramapaicain noco shinanquin finacoinmisi.

2 Samuel 12:13

Nannori yoiaiton nicaquin David Natán yoini, —Unfin Diosqui chaca huaquin, —ishon yoiaiton. Natán David cumani isca huaquin, —Nocon Ifo Diosin min chaca hua cuscan mia soashona. Mincai naima.

Éxodo 34:7

Unfin yorahuan rasi ato ismamisiquin un ato noiai cuscacai unupacunacama. Nan yorafoan chaca futsa futsatapafo huafain un ato yonoa cusca ua nicacasmamisifofia un ato rauhuashocai afanan aton chaca un shinainma. Un ato rauhuafia aton chaca shatuyamaifoan un ato onaintimai. Ua chaca huaifoan unfin atohuunshon aton facufo non aton chatafo non aton shotafo yafi ahuun facufori un ato onaintimairan, —ishon nocon Ifo Diosin Moisés yoini.

Salmos 86:5

Un mia chacahua cuscan mian rauhua. Min fasi shara. Tsoan mia cufiain min fasi atohuun noiquin.

Salmos 130:4

Ascafia mincai ascarama. Min noco rau huai non mia chaca hua cusca afanan min shinainma. Ascan non mihuunoa shinansharacoin. Tsoa futsa mia cuscarama. ¡Aicho, Ifon!