Salmos 1:1 - Sharanahua: Diospan Tsain

¹ Yora chacafoan noco shinanmapaiyai cuscan non tanayamashu non unimatiro. Ascara yorafo fu rafufafainyamacahuun. Nanfo Diosin tsainqui cashu mutsama icaifo cuscan non ato fu ayamashu non fasi unimacointiro.

Salmos 1:1 Referans Kwoze

Lucas 11:28

Ascatan Jesús cumani, —Ai, nan min yoiai cuscan iconfiashu tsoan Diosin tsain nan nica cuscacoin Diosin nan unimamatiro finacoian, —ishon cumani.

Salmos 1:6

Nocon Ifo Diosifin yonoa cuscan huamisifo oinfafainniquin ato cushusharashquin. Ascan nan ahuun tsain nicacasmamisifo omitsiscapanacafo muran focaniquin.

Salmos 34:8

Nocon Ifo Diosin fasi sharacoinquin tapicahuun. Tsoan nocon Ifo icoinra huacun nan cushusharafain fasi unimamashquin.

Efesios 6:13

Ascacun Upa Diosin ahuun curushu noco inanpaiyai cuscan ficahuun mutsismashcaquin yoshin chacafoan matoqui nocoshon man itisharashu pacushcaquima. Ascano nan yoshin chacafoan mato chaca huamapaiyaiton Diospan curushhuunshon man finontiro mato chaca huamanofoma. Ascan Diosin mato amapaiyai cuscan nantifi man acoinnashu man isharatiro yoshin chacafo matomaquinoa potashcaquin. Asca Jesús fu rafushon man chaca huashquima.

Génesis 49:6

Ascano nan rafutan shinanchacamisifo cuscacai un nicapaima. Ipaitama sinacaquin nan icafo anoshon ato rutuafo. Ipaitama moifori mushtunifo afanan niisharanonfoma.

Apocalipsis 22:14

Jerusalén funa muran iquishon nan nii ahuun fimi pipaiquin pitiro nipashquin. Nanscarifiai Upa Dios fu icaino arus fusti mato nimapacutiro. Nan ua icoinra huafo aton chaca soashona nanfo fusti uhuun Upa Diosin ato iquimatiro nofu ipanonfo.

Romanos 5:2

Non icoinra huacun Upa Diosin noco noiaino non afu shafatifi rafutiro. Ascano unimacoinquin non tapitiro noco imapaiyai cuscan shara non atiro.

Juan 20:29

—Ua oinquisifin mian icoinra huaicai. Ascan ua oianmafianquin ua icoinra huafofin fasi unimashcaniquin, —ishon Jesús yoini.

1 Pedro 4:3

Fari ichapacoin man man funoa Jesús icoinra huamafoan amisifo cuscan man huapaoni. Man chaca huapaiyai cuscan fustisi man huapaoni. Yamutifi monocain ayafain maton nomuran shinanchacafain maton ahuinmafo ya ipaicain ainfofori aton funumafo ya ipaiyaifono paunmisicoin icain futsafo ya ichananshu atofu monoshquin mucayanan Dios noitama ahuara futsafo man noipaoni. Nan chacafofin Upa Diosin noicasmacoianquin. Ascacun afanan ascayamacahuun.

Juan 13:17

Un aca cuscan man man tapia. Ascan man man tapia cuscan aaquin unimacointiroquin.

Génesis 5:24

Nan Enoc Diosin amapaiyai cuscacoin aiton oinquin naiyamaino Diosin icari ihuiriscatani. Afanan tsoancai Enoc fuchinifoma.

Lucas 23:51

Nantoricai niaifo futsafoan shinainfo cuscan shinannima. A niaifofin Arimatea mai anoa iniquin. Arimatea nan pushurasi Judea muran ini. Nantorifi Cristo nan Diosin catoan manapaoni aton niaifo inon.

Mateo 16:17

Ascaiton Jesús cumani, —Simón, minfin Jonás ahuun facuquin. Diosin mia noiquin mia shara huaa. Rato nocofununcai mia tapimanama un Diospan facu. Uhuun Upa Diosin nan nai muran icaton mia tapimana.