Números 16:31 - Sharanahua: Diospan Tsain

³¹ Nan Moisés afin ato yoiquin unuamano Coré yafi ahuun tanamisifo icanoashu mai cuariscatani.

Números 16:31 Referans Kwoze

Deuteronomio 11:6

Nocon Ifo Diosin Eliab facu rafu nan Rubén ahuun funafo Datán yafi Abiram onaintimani cusca nan mai fupucuriscatanaino nan rafu yafi aton yorafoya non aton pano pushufo non aton inafori ato fu mai muran pacunifo. Nan main ato shuai cafisca huatanaino nai futsunifo. Nanscaifoan nantifi nocon yora Israelifoan oinnifo.

Judas 1:11

¡Ai timafin! Fasi omitsiscapashcaquin. Caín chipocu rutuni. Nanfori nanscarafo. Balaam cuscarafori. Nan Balaam pui fusti shinanquin chaca huani. Nanfoanri nansca huamisifo. Coré cuscarari. Nan Coré ahuun niaifo Moisés nicacasmapaoni. Ascacufin Diosin nan namaniquin arifi nicacasmacanashu nai omitsiscapashcaquin.

Números 16:30

Ascacun nai ascatamarocon nocon Ifo Diosin tsoan oinyomisima cuscaran mai cuatanaino nantifi nan yorafo non nantifi ato ahuarafo non aton pushufori nan mai cuatanaino a muran mumafiashu pacuriscatashcani ascano nantifi nai futsushcani. Nanscaifoan man tapitiro nanscara yorafoanfin, “Diosi ahuamaran,” ishon ahuunoa shinanmisifoquin, —ishon Moisés ato yoini.

Números 16:32

Nan mai cuariscatanaino Coré yafi ahuun yorafo non nanno niafori ato main shuai cafisca huatani. Nantifi nan ahuara ayafo cusca atofoya mai cuatanaino pacui futsunifo. Nan niafoanno mai cuatanaino a muran nantifi pacunifo. Ato ahuarafori mai muran pacuni. Pacutanaifoanno mai afanan atoqui fupotanaino yamariscatanifo.

Números 20:3

Ascashon ato yoiquin isca huanifo, —Matohuunfin nuaquin non nuno unu maisi ica. Nocon yorafo nocon Ifo Diosin ointaifi nayamuafo cusca norifi nan icafo cusca non naa shara icuana.