Números 13:8 - Sharanahua: Diospan Tsain

⁸ Mani futsafoan ahuun anu Efraín aton niaifo Oseas catonni. Nan Oseas Nunpan facu ini.

Números 13:8 Referans Kwoze

Números 11:28

Nan nicatan Nunpan ahuun facu Josué nan pushcoaitian Moisés fu rafumisi nan ahuun oinmati cuscaran ipaoniton yoiquin isca huani, —Uhuun niaifo, Moisés, Eldad yafi Medad yoihuun afanan tsain yoinonfoma, —ishon Josué Moisés yoini.

Éxodo 24:13

Nannori nicatan Moisés Israelifo aton niaifo patasharinoafo ichanan huani ato yoishquin. —Unfin Josué fu machi Sinain mamaqui mapuicaicain nocon Ifo Diosin noco yoipaiyai cusca noco yoinon. Nunoshon noco manayocahuu. Un nunomano ahuara chaca finonshon Aarón iyamarai Hur yoicahuun nan rafutan mato yoitiro manmain ahuuscatiroquin, —ishon Moisés ato yoini.

Josué 1:16

Nannori nicacatan yoiquin isca huanifo, —Min noco ahuara yonoai cuscan non aashquin. Nan min noco nichiaiquiri non catiro.

Deuteronomio 34:9

Nataima Moisés Josué manmanni Diospan Yoshin Shara Josué fu rafucacainno nan fasi tapimasharanon. Ascano nocon Ifo Diosin Moisés yononi cusca Josué Israelifo yoiaiton nan nicasharanifo.

Números 13:16

Nan nocofununfoan aton anufo catoan cusca Moisés ato mai futsa ointanonfo ato nichini. Nunpan facu Oseas Moisés anu futsa tuqui huani Josuéran huani.

Éxodo 32:17

Ascashon Josué fu Moisés na machi anoashu fotocaquin nicafo fasi mucacoinnifo. Ascashon Josué yoini, —¡Nicapon! Noco yorafo icanoashu fasi mucacani achacoin. Nan futsafoan ato rutui nicatsaran, —ishon yoiaiton.

Números 13:7

Mani futsafoan ahuun anu Isacar aton niaifo Igal catonni. Nan Igal José facu ini.

Números 13:9

Mani futsafoan ahuun anu Benjamín aton niaifo Palti catonni. Nan Palti Rafú facu ini.