Números 12:6 - Sharanahua: Diospan Tsain

⁶ —Na un mato yoiai cusca ua nicasharacahuun. Uhuun tsain yoimisi mato muran ica umain ahuu cuscaraqui un yoitiro. Ahuun namapanhuunshon iyamarai namapan cuscarahuunoa un yoipaiyai cusca un nan yoimisi.

Números 12:6 Referans Kwoze

Génesis 46:2

Ascan yamu futsan Upa Diosin Israel oshano ahuun namapan cuscaran ahuun anu futsan cunani isca huaquin, “¡Jacob!” huaiton. —Unquian nuno, —ishon cumani.

Lucas 1:22

Ascariaifoanno atoqui cainfiashocai ato tsainquinima. A pucutiroma muuquin ahuun mucupan ato yoi fustini. Ascaiton onannifo Dios fu tsainti pushu muranshon Zacarías namapan cuscara oianran, icashu ahuun yoinannifo.

Lucas 1:11

Ascashon Dios cufiti camaqui incienso coa ahuun mumihuuri Diospan oinmati afu nai muran ica Zacariasqui niriscatani.

Daniel 10:8

Ascan urus fusti nan namatiro cuscan un oinni. Ascan un samamashta shaca fuai mutsa un muni. Uhuun fusori fasi pashicoin ini. Uncai ahuara huatiro un munima fasi pachicoin un muni.

Hechos 10:11

Nai fupuicano pano putanmanhuan cushtocoin nai murannoashu fotopacucahuani.

Mateo 1:20

Nanscara ahuun nomuranshon shinanfiaino ahuun namapan Diosin ahuun oinmatinin afu nai muran imisi aqui oshon yoiquin isca huani, —José minfin David funaquin. Ascacun shinanchacaquima María fihuu. Nan facu nanuafin Diosin Yoshin Sharapan nanumanaquin.

Mateo 2:19

Ascashu man Herodes naano Diosin oinmatinin afu nai muran icaton José ahuun namapan yoiqui isca huani,

Éxodo 7:1

Ascano nocon Ifo Diosin cumani, —Ua nicahuun. Un Faraón yoipaiyai cusca min aqui cai minhuunoa un yoinon. “Moisés Diosin shafai,” Faraón mihuunoa shinanshquin. Un mia yoiai cuscan min ochi Aarón niaifo Faraón yoitiro. Aarón min yoishomisi itiro.

Génesis 20:7

Abraham uhuun tsain yoimisi. Ascacun ahuun ahuin afanan aqui nichihuun. Afanan aqui nocoshon Abraham ua mihuunoa cufinquin min nanonma. Ascafia ahuun ahuin aqui nasoyamaino min tapisharatiro min non nantifi min yorafo samamashta nairan, —ishon Diosin Abimelec yoini.

Génesis 15:1

Ascashon chipo nocon Ifo Diosin Abram ahuun namapa cuscara yoiquin isca huani, —Abram, ratuyamahuun. Un mia cushui mia ahuusca huanonfoma. Unfin mia fasi shara huaiquin, —ishon yoiaiton.

Apocalipsis 11:10

Ascano nantifi yorafo fasi unimacaquin yoiafo isca huaquin, —¡Aichofain! Nan Diosin tsain yoimisi rafutan nocon omitsisca huamisifo cuscan afanan noco asca huacanimaquin, —icashu yoinanfo. Ascatan unimacaquin ahuarafo cashman afiranan inanonanfo.

Apocalipsis 11:3

Ascacun nantianri un nocofunu rafu Jerusalén ano nichishquin. Nanno icafo un ato yoipaiyai cuscan nan rafutan ato yoishquicani. Fari rafunon fusti nushmancayan atohuunshon nan Jerusalén ano icafo un ato yoishqui. Ascashon nan rafutan sahuuti chocashta sahuucashon atohuun ramapaicoinquin ato ismashcani. Uhuun curushhuunshonri ahuamamishti huashcaniran, —ishon Diosin ua yoia.

Efesios 4:11

Nantonfin noco catonpacuni noco amapaiyai cuscan ashu non shara huatananon. Ascashon afu rafumisi futsafo ato imafain nocorifi nichini ahuunoa futsafo non ato tapimanon. Futsafori catonni afin yorafo yoipaiyai cuscan afohuunshon ahuun tsain shara ato yoinon. Futsafori catonni nan tsain shara ahuunoa yoinonfo icoinra huashcaquin. Futsafori catonni ahuun tsain shara icoinra huafo tapimafain ato cushusharanon ahuun tsain tanasharanonfo.

Hechos 10:17

Ascano Pedronun ahuun nomuran fasi shinanpaini, —¿Ahua ua Diosin yoipaimun? —ishon shinanni. Anori shinanquin nan nocofunufo Cornelio nichian Simón pushu caincaiti ano nococashon yocanifo.

Lucas 20:6

Ascan —“Juan nocofunufoan nichiniran,” non huaino yorafo nocoqui sinatirofo. Nantifi yorafoanmain yoimisifocun “Juanpan Diosin tsain yoimisiran,” ishon yoiafo. Ascan “Juan Diospan yonoamaran,” non icaiton toquirifoan noco rututiroforan, —icashu yoinannifo.

Mateo 23:37

¡Ohua! Jerusalén ano icafoan. Manfin Diosin tsain yoimisifo rutufain nan Diosin matoqui nichian futsafori man toquirinin ato tsacaqui nanonfo. ¡Ohua! Tacaranun ahuun facufo ahuun pui naman onutiro cuscan huaquin un mato yorafoya cushupaifia mancaifin ua nicacasmamisiquin. Manricai uqui fumisima un mato cushunon.

Mateo 23:34

Ascacun un afanan Diosin tsain yoimisifo yafi Diosin tsainhuunshon cayacafi shinansharamisifo non ahuun tsain tapimamisifori un matoqui nichishqui. Nanforifi man ato rutushquin. Futsan ihui coyan iquinanqui man mastashquin nanon. Ascashon atirifi maton ichananti pushu muranshon man fichi cunoqui tuchiaton man coshashquin. Ascaquin man ato omitsisca huai nan pushufoti cafoquin man ato omitsisca huafoicaiquin.

Mateo 23:31

Ascan nan man yoia cuscan icon. Maton shunifo rutumistsamisifoan. Marifi man ato cuscaracoin.

Mateo 27:19

Ato yocatan tsaoshon manani cumaifoan nicapaiquin. Ascaino ahuinin cunu fuma aqui noconi. Cunun yoiqui isca huani, —Nan nocofunu Jesús shara. Ahua chaca huamaquin. Ahuusca huayamahuu. Uhuun namapan un oian ahua chaca huayamafiashu omitsiscaiton oin urifi uhuun nomuran ahuunoashu un omitsiscacoinna. Ascacun ahuusca huayamahuu, —ishon Pilato ahuinin cunushoni.

Hebreos 1:1

Uhuun yoramishtichin un mato cunu fomai man tapinon. Upa Diosin noco shunifo yoipaiyai cuscan ahuun tsain yoishomisifo yoiyopaoni ato tapimanonfo. Namapahuunshon ato yoifain namapan cuscarahuunshon ato yoifain ahuun nai oinmatihuunshon ato yoifain ahuun oicoinin ato yoipaoni.

Génesis 28:12

Nannoshon ahuun namapan paiti fasi cuyacoin nai muran nocoa oinni. Diospan nai oinmati a fu imisifo paitinin nai murannoashu mai ano fototan afanan inaifoan oinni.

1 Samuel 3:15

Nan nicatan afanan Samuel nanno racani nan shafai chain. Ascashu funamari nocon Ifo Diosi pushu shoi caincaiti ano fupushoni. Nocon Ifo Diosi yoia cuscan Samuel ratuquicai Elí yoipainima.

1 Samuel 28:6

Ascatan nocon Ifo Diosi cufini ahua huatiromainquin tapishquin. Ascafiainocai nocon Ifo Diosin Saúl cumanima. Ahuun namapan yoiamafain ahuara futsafohuunoa yoiamafain Diospan tsain yoimisifoanricai Saúl tapimanima.

Daniel 2:19

Ascan cufiainfoan nan yamu niaifoan namaita cuscan nocon Ifo Diosin nan namahuunoa Daniel tapimani. Asca Daniel fasi unimacoinnaiton nocon Ifo Diosi nai muranshon yoisharani isca huaquin,

Génesis 28:16

Jacob moinacahuan shinanquin isca huani, —Icon nocon Ifo Diosin nuno ifiacucai un tapiyoamaran, —ishon shinanni.

Génesis 37:5

Ascano nan nama cuscan ahuun ochi iyoafofo yafi chipocun fusti tapimani finacaiquin noicasmaifoan.

Génesis 37:9

Ascashon afanan José nama futsashon ahuun ochi iyoafofo yafi chipocun tapimani isca huaquin, —Ua nicacahuun un nama futsa un mato yoinon. Un fari non oshu non once fishifo un oian. Ua focushonaifoan, —ato huani.

1 Samuel 3:21

Nan Silo pushu rasi ano Diospan ichananti pushu muran nocon Ifo Diosin Samuelqui nocopaoni ahuun tsain tapimashquin. Ascano nocon Ifo Diosin Samuel tapimani cuscan ahuun caifo Israelifori tapimapaoni.