Números 12:1 - Sharanahua: Diospan Tsain

¹ Nantian María futan Aarón ahuun ushto Moisésqui tsain chaca huanifo. Moisés ainfo Etiope caifo fiini. Nanscacun aqui tsain chaca huanifo.

Números 12:1 Referans Kwoze

Éxodo 2:21

Ascashon Reuel Moisés yoini, —Uhuun pushu muran iquiyohuu, —ishon yoini. Ascano Moisés Reuel pushu ano a fu ini. Ascano chipo Reuel Moisés yoini, —Uhuun facu un mia fiimanon, —ishon Reuel Moisés yoini. Ascashon ainfacu Séfora fiimani Moisés ahuun ahuin inon.

Génesis 27:46

Chipo Rebeca ahuun funu yoini, —Man nocon facu Esaú ahuun ahuin rafu nan Hititafoan uhuun nomuran ua fucash huacani. Atohuunoashu un afanan ipaima. Nocon facu Jacob arifi Hitita ainfo nuno Canaán anoashu fianancunfin un naacaifin shara icuanaquin, —ishon Rebeca funu yoini.

Génesis 24:37

Ascan uhuun ifo Abraham ua yoita isca huaquin, “Diosin mia oiainno ua yoihuun mincai nuno Canaán murannoa uhuun facu Isaac ahuin ihuushonima.

Gálatas 4:16

¿Un mato icon yoifiamisimun non noincasmatanaincai?

Mateo 10:36

Nanscarifi aquicai tsoan nannorifosi uhuunoa shinancanima. Ascano tsoan ua icoinra huacun ahuun yoracoinfoan nan noicasmatirofo.

Génesis 24:3

Nocon Ifo Diosi nantifi nai murannoafo non mai anoafoanri aton Diosi. Nan Diosin mia nicaino ua yoihuu nan Canaán anoacai uhuun facu Isaac ainfo fima. Un ato muran ifianocai nunoa min uhuun facu ainfo fimatiroma.

Génesis 41:45

Ascashon Faraón José anu futsa tuqui huani. Zafnat-panea ahuun anu futsa tuqui huani. Ascan nocofunu ahuun anu Potifera pushu rasi ahuun anu On ano iyopaoni. Nan afin ahuun yorafo ato cufinshomisi ipaoni. Faraón yononi Potifera ahuun facu shomaya ahuun anu Asenat José inannon a fu fiananon. Ascano José Egipcio maifoti ano cahuancacaini.

Juan 15:20

Un mato yoia cuscan shinancahuun. Un mato yoia isca huaquin, “Yonomisitocai ahuun ifo finonmatiroma.” Ua omitsiscamacaquin matori omitsisca huashquicani. Un ato yosian cuscan acashon marifi man ato yosiaiton matori nicacoincani.

Mateo 12:48

Jesús cumani, —Un mato tapimai ratofomain uhuun uhuafo yafi uhuun ushtofoquin, —ishon yoini.

Éxodo 2:16

Ascano nan mai Madián ano nocofunu ahuun anu Reuel. Nantofin ahuun caifo Upa Diosi cufinshomisi ini. Ahuun facu shomaya mucu fustiti non mucu foshca fu rafuati ini. Naan shomayafo unu fii focani fonifo apan chashoanfo ayamashcaquin. Ascano nan pozomua ano Moisés tsaoa ini.

Números 14:22

Nanscarifi aquin tsoa istaipamashon un ahuamamishti ato ashomisi cusca oinfiashocai ua icoinra huamisifoma. Nantishotapiquin ua nansca huamisifo. Ascatari ua nicacasmamisifo.