Números 11:26 - Sharanahua: Diospan Tsain

²⁶ Ascano nantiacai niaifo patasharinoa rafu pano pushu ichananti ano fonifoma. Nan rafutan aton anu Eldad yafi Medad. Nan rafutan Diospan Yoshin Sharahuunshon nan niaifo patasharinoa futsafoan yoiaifotiancai nan rafu ato fu ano inima. Ascafia nan ahuun caifo icano nan rafutari Diospan Yoshin shara aton nomuran shinanmanai cusca arifi yoinifo.

Números 11:26 Referans Kwoze

1 Samuel 20:26

Nan shafata Saúl ahuashta yoitama puusinima. Ahuun nomuran shinanni isca huaquin, —Nocon Ifo Diosin yononi cuscan non ahuara chaca ramanshon non futsafo futan pitiroma a ina Diosihuunshon rutushon piaino. Ascan un shinain David ahuara chaca ramanshon no futan pitiroma. Ascashu nocoqui oamaran, —ishon Saúl ahuun nomuran shinanni.

1 Samuel 10:22

Ascashon nantian afanan nocon Ifo Diosi cufinifo isca huaquin, —¿Ranimun Saulquin? —ishon nocon Ifo Diosi cufinifo. —Nan maton forusafo maniafo muran onuaran, —ishon nocon Ifo Diosin ato cumani.

Éxodo 3:11

Nannori Diosin yoiaiton nicain Moisés Upa Diosi cumaquin isca huani, —Ma. Uncai ahuama. Un Faraón icano uhuun caifo Israelifo Egipcio mai anoshon un ato iyotapanan, —ishon Moisés Upa Dios cumaiton.

Números 11:27

Nanscaiton oin nan furonanfacu Moisés ano ichoni aqui chani cai. Nocotan yoiquin isca huani, —Eldad futan Medad non icanoshon Diospan Yoshin Sharahuunshon yoicaniran, —icashu Moisésqui chanipacuni,

1 Samuel 10:6

Nantian nocon Ifo Diosin ahuun Yoshin Shara mia inanfain nantian ahuun curushhuunshon mia iquini. Ascano min futsafo futan minrifi min Diospan tsain yoishquin. Nocon Ifo Diosin Yoshin Shara mia fiananan huai minrifi nan futsafo cuscaran min inon.