Mateo 5:26 - Sharanahua: Diospan Tsain

²⁶ Un mato icon yoicoin. Mato iquimanano man cainritiroma nifian cuscan atifi inanshuma. Nanscarifi aqui man Dios chaca huamisiquin. Oataima arorisca huahuu mato omitsiscahuapanonma.

Mateo 5:26 Referans Kwoze

Mateo 18:34

Ascashu fasi sinacoinquin niaifoan oinmati cunu muran iquimafain fasi onaintimashqui. Ascashon ahuun oinmatifo yonoqui isca huani, “Nan ua nifian cuscan nantifi ua inanyamaiton cunu muranshon cainmayamacahuun,” ishon nan yora omitsisca huamisifo ato huani.

Lucas 12:59

Mato iquimananocai man cainritiroma nifian cuscan nantifi inanshu man caintiro. Nanscarifiai man Dios chaca huamisiquin. Oataima iquisi mato yoia cuscan acahuun mato omitsiscahuanonma, —ishon Jesús yoini.

Santiago 2:13

Ascashon Diosin nantifi yorafo puashoshquin. Ascan niyoshon man futsafohuun ramapaipaonimacun Diosiri matohuunri ramapaishquima. Ascan niyoshon man futsafohuun ramapaipaonicun Upa Diosin matohuunri ramapaishquin. Ascashocai mato onaintimaima. Ascatama manrocon afu ipasharatiro.

Lucas 16:26

Mia ari capaifiaicai non ahuuscashu catiroma. Mirificai min ahuuscashu nuno nocoqui otiroma. Manhuanhuan rafutan noco naquihua. Tsoan finontiromaran,” ishon Abraham yoiaiton.

Mateo 25:46

Un ato nannori yoiaino umaquinoashu omitsiscapanacafo muran foshcani. Ascaino nan ua icoinra huafo uhuun Upa Diosin aton chaca soashonafo un icano ufu foshcani ufu ipashcaquin, —ishon Jesús ato yoini.

Mateo 25:41

Ascashon nan ua icoinra huamafo tiri futsa niafoan un ato yoiqui isca huashquin, “Manfin ua chaca huamisiquin. Un fonainfiaitocai man ua pimamisima. Un nomiaitoricai man ua ahuara ayamamisima. Un matoqui nocofiaitocai ua oinyamafiamisishaquin man ua pimayamafain un sahuutiromafiacuri man ua sahuumamisima. Un isinincaitoricai man ua cushumisima. Ua cunu muran iquimanafoanno cai man ua oincamisima. Ascacun umaquinoashu fotacahuun. Nan yoshin chaca Satanás yafi afu yoshin chaca futsafo Upa Diosin ato chi urumanhuan itishara huashoan nannori mato potai. Nannoashu nanfoya man omitsiscapashquin,” ishon un ato yoiaiton.

Mateo 10:29

Ascano tsitsipio rafu inanmitsashon toro fustishtaraca fitiro. Ascafia mato Upa Diosin asca huapaiyamaquicai fustishta namatiroma.

Marcos 12:42

Ascano ainfomaqui funu naano ahuuomashtaton toro chimashta rafusi pui nanuti muran nanuni.

Lucas 12:58

Tsoara futsan mato yoiqui isca huai, “Min ua chaca huaa cuscan. Un miqui niaifo yoicairan,” ishon mia yoicun. Niaifo ari cataima rufofo shara huacahuun. Man asca huayamacun niaifoan mato cunu muran iquimatiro.