Mateo 5:23 - Sharanahua: Diospan Tsain

^23-24 Ascacufin man Dios cufiaitian nantianri man shinanquin isca huaquin, “¡Ohua! Un futsa chaca huaran,” ishon shinancun. Afanan Dios cufitamarocon iquisi nan futsa min chaca huaa ano catahuun. Aqui nocoshon yoisharahuu mia rauhuanon. Asca huano afanan min nasotiro Upa Dios cufishquin.

Mateo 5:23 Referans Kwoze

Marcos 11:25

Ascano man Upa Dios cufipaiquin iquisi futsan mia chaca huaa cuscan rau huayohuun. Man ascaiton Upa Diosiri maton chaca rauhuatiro. Ascan man Upa Dios nai murannoa man cufiai cuscan mato ashotiroran, —ishon Jesús ato yoini.

Mateo 8:4

Cayacun Jesús yoini isca huaquin, —Un mia caya huaa cuscan tsoa yoiyamahuu. Nocon caifohuunshon Dios cufimisi ismatahuun. Ascashon Moisés noco yononi cuscan chashoanun facu a inantahuun mia rutushonon. Min chaca soafain min caya cuscan ato ismashquin. Ascano tapitirofo Moisés noco yononi cuscacoin min aiton, —ishon Jesús yoini.

Mateo 23:19

Manfin nan fusho cuscarafoquin. Mancai cayacafi shinantiroma. ¿Ascan ratocaimun shara finacaiaquin? Nan cufiti camaqui ahuara man inan iyamarai nan cufiticoin. Man cufiahuunshon ina man coashonaino Diosin matoqui unimatiro. Ascafia nan cufiticaifin fasi shara finacaiaquin.

Lucas 19:8

Ascafiaifoanno Zaqueo Jesús yoini, —Ifon, natiantafin un yora ahuuomafo cashcu futsa un ato inanpacuicain. Nan un finonmafaintan fia cuscan onushori un ato finonmafaintan ato inanpacuiquin. Un diez soles fianshonfin cuarenta soles un ato inainquin. Ascan veinte soles ato fianshonfin ochenta soles un ato inaincain. Un ato onuyofiamisishaquifin un ato asca huapaiquin, —ishon Zaqueo yoini.

1 Samuel 15:22

Asca huaiton nicaquin Samuel cumani, —¿Ratocaimun nocon Ifo Diosi fuchipaiquin? Min inafo ahuunshon rutushofain cooashoshquin iyamarai nocon Ifo Diosin mia yoia cuscan aiton min nicasharaino fasi shara finacaian. Nanscarafin nocon Ifo Diosi fuchipaicoinquin.

Génesis 41:9

Ascacun nan ayati mushomisiton Faraón yoini isca huaquin, —Niaifon, natian mun shinan un fasi chaca hua.