Mateo 5:15 - Sharanahua: Diospan Tsain

¹⁵ Nanscarifi aquin tsoancai faquishiano oinpaifiaquin lamparina tapa camaqui otashon cutipan fupomisima. Ascatamarocon otashon tapa camaqui huatiro shafacafi tsaocun pushu muran iquicaquin oinsharanonfo.

Mateo 5:15 Referans Kwoze

Marcos 4:21

Ascano afanan ahuara futsan ato yosiquin isca huani, —Tsoancai faquishiaino oinpaiquin lamparina otashon cutipan fupotiroma. Tsoanricai oshati nanman huatiroma. Ascatama tapa camaqui huatirofo shafacafi oinsharanonfo. Nanscarifiai Diosin nocon imapaiyai cuscan apaiquicai non ahuun tsain casho muran iyamarai raniran futsa non onutiroma. Ascatama shafacafi oinsharatiro Diosin yoia cuscan huafain.

Lucas 11:33

Asca huatan afanan ato yoiquin isca huani, Tsoancai lamparina ihuashon otayamafain paninaranunri fupoima. Asca huatamarocon shafacafi tsaoi nan iquiaifoan oinsharanonfo.

Lucas 8:16

Tsoancai tapa camaqui lamparina otashon paninranun fupomisima. Asca huatama otashon tapa camaqui huaa pushu muran iquiafoan oinsharatirofo.

Lucas 11:36

Ascashu shafacafi man icafin nan chashamatinin mato chashama cuscaraquin. Nanscara ano man icacai faquish itiroma. Nanscarifiai maton nomuranshon man Dioshuunoa fusti shinansharaino man ahuara chaca shinantiromaran, —ishon Jesús ato yoini.

Filipenses 2:15

Man ascaiton oinquicai Jesús tanamafoan matohuunoa yoitirofoma isca huaquin, —Nan Jesús tanamisifofiashon tsain chaca yoimisiforan, —ishocai matohuunoa yoitirofoma. Man ascaitocai mato tsoan ahuashta rafantiroma. Ascatamarocon man isharaiton ointirofo man Diospan facucoinfoshon. Man ahua chaca huamisima. Nan Jesús icoinra huamafoanfin ahuara chaca huamisifoquin. Ascashon shinanchaca fustimisifo. Ascasi acani man funoafo. Ascashu faquish muran icafo shinantsaafo. Mancai ato cuscarama. Ato cuscara itamarocon Dioshuunoasi ato yoifafaincahuun icoinra huacanashu Jesús fu nipanonfo. Ascan manfin ato muranshon nan chashamatinin chasha huaiquin ato ismashcaquin a chaca huamisifoan mato oinnonfo. Man ascaino Jesús afanan oaitian unfi unimashquicain. Ascashon uncai ipaitsi mato Diosin tsain yoimisimaran, un nantifi yoitiro.

Hebreos 9:2

Ascan nan amuranshon Dios cufiti pano pushu cunu rafuya iniquin. Nan cunu taua muran anuqui isca huanifo, —Nuno shara fustisi itiroran, —ishon anunifo. Nan muranrifi faro nia ini. Cuno chashna faca facaitsa tushpacua ahuun shoimishti muran shuni ocapacushon otapaonifo. Nannori sapa acamaquishon piti ini. Nan sapa camaqui misi sutu huashon huafafainpaonifo. Ascashon Diosin atofu ica cuscan ato oinmashquin.

Apocalipsis 2:5

“Man ua noiquin tau huani cuscan shinancahuun. Nanscacoin huaquin ua noicahuun. Man noinain tauni cuscan afanan noinancoincahuun. Chii tsoan tanama samamashta nocatiro. Nanscarifiai marifi man chi nocacuana cuscara. Ascashon man ua tanasharayamaiton oinquin tsoan afanan mato tanaima. Ascashu man ichanainno afanan tsoa matofu ichanainma. Man chaca huai cuscan shatupaiyamafain uquiri man nasopaiyamaino un matoqui oshon un mato shatumatiro. Man afanan uhuun tsainyoimisi inonma. Man ascaitocai tsoan afanan matohuunshon ua tanapaishquima.