Mateo 4:17 - Sharanahua: Diospan Tsain

¹⁷ Nannoshon Jesús ato yosiquin tau huaquin isca huani, —Nocon Ifo Diosin matoqui samamashta nocoyoi. Ascacun maton chaca shatucahuun. Chaca huatamarocon Diosin tsain nicacoincahuun, —ishon Jesús ato yoini.

Mateo 4:17 Referans Kwoze

Mateo 3:2

Ascano nannoshon ato yoiquin isca huani, —Nantifi yorafoan ua nicacahuun. Maton chaca shatucoincashon Diosin tsain nicacoincahuun. Samamashta Diosin mato yonoshqui oiquin, —ishon Juanpan oi ashcafinin ato yoini.

Hechos 2:38

—Man chaca huamisi cuscan shatucahuun. Afanan chaca huatamarocon Dios shinancahuun. Jesucristo Ifo huacahuun. Man Ifo huaino mato unu muran iquimapacutiro maton chaca soafain Upa Diosin mato numanon. Asca huano Diosin ahuun Yoshin Shara matoqui nichishquin matofu rafucoinon.

Lucas 5:32

Nanscarifi aquin, “Uncai ahua chaca huamisimaran,” icaifocai un ato chaca soashotiroma. Asca tsoan yoiqui isca huai, “Unfin fasi chaca huamisiquin. Un Numamisi yopacoinran,” icaifofin un ato chaca soashotiroquin, —ishon Jesús ato huani.

Hechos 17:30

Ascapaonifiashocai Dios onanmisifoma. Ascafiaifoan ato onaintimapaonima. Ascafia natian nantifi manifoti anoafo ato yonoa aton chaca shatushon icoinra huanonfo.

Hechos 26:20

Maton chaca shatucahuun Diosiquiri shinanshquin. Isharashcaquin mato icoinra huanonfo maton chaca shatucoinshon Dios tanacahuun. Nannori un Damasco anoafo yoifain Jerusalén anoafo yoifain Judea mai anoafoti yoifain uhuun caifomari un ato nantifi yoimisi.

Lucas 15:7

Ascacun un mato yoi nanscarifiai futsan ahuun chaca shatucoianshu afanan ipaoni cuscan atama Dios ifoacoinna oincani nantifi Dios icanoafo fasi unimacoincani. Noventa y nueve yora sharafo nanfocai tsoa Diosqui nasoima manmain tanasharacanashufin. Ascan nanfoqui unimafiacani nan chaca huamisiton Diosin icoinra huanocaifin fasi aqui unimai finacoincaniquin.

Hechos 3:19

Ascacun man chaca huamisi cuscan shatucahuun. Chaca huatamarocon Upa Dios shinancahuun maton chaca soashonon.

Lucas 15:10

Nanscarifiai tsoan ahuun chaca shatuashma man funoa. Ascafiashon Diosin icoinra huaino Diospan oinmatifo nai murannoashu fasi aqui unimacoincaniran, —ishon Jesús ato yoini.

Hechos 20:21

Nocon caifo non nocon caifomari un tapimapaoni isca huaquin, “Maton chaca shatucahuun Dios shinanshquin. Nocon Ifo Jesús icoinra huacahuun,” un ato huapaoni.

Hebreos 6:1

Ascan noncai facufo cuscarama. Facufoancai ichapa tapiama. Ascan iyoafofoan paratama tapisharafo. Nanscarifiai non tau huaquin Jesucristohuunoa tapini cuscan nan fusticai non shinafafainima. Ascasho non tapini non ahuara shara huahuunshoncai noco chaca soashotiroma Upa Dios fu non ipanon. Non tapiniri Dios icoinra huayamashucai non afu ipatiroma. Ascatan non unu muran iquimamua nocon chaca soashonano non Jesús ifoashon futsafo ismatirohuunoa tapifain nan icoinra huafo futsafo non ato manmanshon cufishotiro Diosin ato yonomapaiyai cuscan anonfo nanrifi tapifain yora naashu funitirohuunoari tapifain icoinra huafoma Diosin ato omitsiscapanacafo muran potashquiai nanfohuunoa man non tapiyoni. Ascan afanan noncai tapimamisi yopaima nanfohuunoa noco tapimanon. Ascano afanan ascatama noficairocon non paratama Diospan tsain shara tapinon Jesús tanasharashquin.

Hechos 11:18

A nicacashocai afanan tsoan —Min aca cuscan afanan huayamahuu, —huanifoma. Ascatamarocon, —¡Aicho Upa Dios shararan! Nocon caifomari ato shinan futsamana afu nipanonfo, —ishon yoinifo.

Mateo 25:1

Ascatan diez shomayafohuunoa un mato yoi un oaitian ahuu cuscaramainquin un mato tapimashquin. Ascatan nan diez nan nocofunun rama ainfo fiai manafo atofu fuusishcaquin. Ascafia nan nocofunun ahuun ahuin fiicashu nasoataimacai tsoa afi ranan fuusi tauafoma. Nan diez shomayafoan iquisi lamparina foafo. Nocofunu manai focani.

Mateo 13:47

Ascano nushumisiton ahuun nushuti uhuapa pochishon shiman futsa futsatapafo fiini. Ahuun nushutininhuan shiman fospiano unuhuan cusumun cashon nini funi. Ascashon nan shiman chacafo nushuti murannoa tsucashon potani. Ascanshon nan piti sharafosi shihuati muran nanuni.

Mateo 10:7

Ascano focashon ato yoiqui isca huacahuun, “Nocon Ifo Dios samamashta nocoyoshquin noco niaifo iishqui,” ishon ato yoitacahuun.

Lucas 9:2

Ascashon uhuun Upa Dios niaifohuunoari ato yoifain isinincaifori ato caya huatacahuun.

Mateo 11:12

Nan Juanpan ato unu muran iquimapacunitian natianri yorafo Dios icano fasi iquipaicoincani. Ascashon shinanqui isca huafo, “Diosin niaifoan ahuun yora urifi un ipai afu nipashquin. Ascacucai ahuashtaton ua nitun huatiroma un ahuun yora icaiton,” ishon shinancani.

Mateo 13:24

Afanan Jesús ato tsain futsa yoini tapinonfo. Isca huaqui, —Diosin nantifi iquinano nanscarifi aquin nocofunun ushu sharafo fana.

Mateo 13:9

Ascan manmain ua nicatiroquin ua nicacahuun uhuun tsainri maton nomuran nanucoincahuun, —ato huani.

Mateo 13:11

Jesús ato cumani, —Ahuuscashomain Upa Diosin ahuun yorafo iquiniquin mato fusti tapimai. Ascan nafocai ato tapimaima.

Mateo 6:10

Min apaiyai cuscan min ica nai muranshon samamashta arisca huamisifo. Nanscarifi nuno manifoti anaoafoan huanonfo cuscan nanscacoinrifi nuno mai ano anonfo. Manifotiton aton niaifo iishquin mia ifoannonfo.

Lucas 3:23

Jesús treinta fariatian tau huaquin yorafo yosini. Ascano yorafoan shinancaquin Jesús José ahuun facuran, huafiainfonocai ahuun facucoin inima. José ahuun apa Elí ini.