Mateo 4:12 - Sharanahua: Diospan Tsain

¹² Ascashu nan Juan ranushumuafoan cunu muran iquimanafo nicatan Jesús Galilea ano nasoni.

Mateo 4:12 Referans Kwoze

Marcos 1:14

Ascano Juan ranushumuafoan cunu muran iquimanano Jesús Galilea ano nasocaini Diospan tsain shara yorafo yoishquin.

Mateo 14:3

Herodes Juan rutumanataima yoiqui isca huani, —Niaifo Herodes, min ushto Felipe ahuun ahuin min fia. Ascaquicai min shara huama. Nocon shuni Moisés Diosin tsain cunuqui isca huani, “Futsan ahuin min fitiromaran,” ishon Moisés cununiran, —ishon Juanpan Herodes yoini. Ascaiton nicai Herodes fasi sinacoinquin ahuun ranushumuafo yononi Juan achishon cunu muran iquimanonfo.

Lucas 4:14

Ascatan Jesús Galilea ano nasoni. Diosin Yoshin Sharapan a iquinaino ahuunoa nicanifo. Galilea ano icafoan nicaifoanno a chaima icafoanri nicanifo.

Marcos 6:17

Juan Herodes rutuataima yoini, —Niaifon Herodes, min ushto Felipe ahuin, Herodiasi, min fian. Ascan mincai shara huama. Nocon shuni Moisés noco Diosin tsain cunushoni cuscan isca huani, “Futsan ahuin min fitiromaran,” ishon Moisés cununiran, —ishon Juanpan Herodes yoini. Anori nicacasmaquin ahuun ranushumuafo yononi Juan achishon cunu muran iquimanon.

Juan 4:54

Ascano Jesús Judea anoashu Galilea ano nocoshon afanan tsoan atiroma cuscan ato oinmaniquin. Ato oinmaquin rafu huani.

Juan 4:43

Ascano nan osha rafu yotan Jesús no fu nan Samaritanonfoan pushurasi anoashu Galilea ano cani.

Lucas 4:31

Ascashu Jesús Capernaum mai ano cani. Nan Capernaum Galilea muran ini. Nannoshon Israelifo tunutitian ato yoini.

Mateo 11:2

Ascano nantianri Juanpan nan unu muran ato iquimapacuni ranushumuafoan cunu muran iquimanifo. Nan muranshon Jesús acai cuscan nicaquin ahuunoa fasi tapisharapaiqui. Nan cunu muranshon a tanamisifo nichini Jesús yocanonfo. Ascano nan Juanpan ato yonoa cuscan focashon Jesús yocaquin isca huanifo, —¿Iconmun nan minmun nan non manamisi iyamarai futsa raca non manaicai? —ishon Jesús yocanifo.

Lucas 23:5

Ascafiaiton fasi curushcain cumanifo, —Na nocofununfin ato yoiquin Judea maitio fasi ato fucash huafoanfafaini. “Romanonfoan niaifo non potanon,” ishon yoiaquin. Tau huaqui Galilea anoafo yoiqui fucash huatan nunorifi man oaran, —huanifo.

Juan 1:43

Ascan iyoconaino Jesús shinanni isca huaquin, —Un Galilea ano cairan, —ishon shinanni. Caquin Felipe fuchitan yoini, —U fu cahuun, —huani. Nicatan afu cani.

Juan 2:11

Ahuamamishti yora atiroma cuscan huatiroshaquin Jesús nanno nan pushurasi Caná ano tau huaquin noco ismaniquin. Ato ismani aamain Diospan Facucoinshofin ahuunshon ahuamamishti tsoan oinmisima cuscara huatiroquin. Ascano oincashon non afu rafumisifoan man non icoinra huani. —Icoinfin Jesús Diospan Facucoinran, —ishon non shinanniquin.