Mateo 27:60 - Sharanahua: Diospan Tsain

⁶⁰ Racoshon toquirininhuan quini muran Jesús mai huani. A murancai tsoa maiyomisima muran mai huani. Ascashon toquirininhuanun fupofaini cani.

Mateo 27:60 Referans Kwoze

Mateo 28:2

Ascaino nantianri mai fasi curushcain nayanaiyaicaino nocon Ifo Diosin ahuun oinmati afu icafo nai ariashu fotoni. Fototan toquirininhuan fuputan acamaqui tsaoni.

Mateo 27:66

Ascaiton a toquirininhuan quini ano ranushumuafo nichinifo. Nanfoan toquirininhuan sapa tocoro fuposhon ahuara tuipaton tanyacunifo. Ranushumuafo nanno nichifurani funifo nannoshon cushunonfo.

Juan 20:1

Ascano Domingoaino shafataimashta María Magdalena Jesús maia mahua quini ano cani. Caquin oian mahua quini ahuun fupoitan man fupucua ini. Nan toquirininhuan man fupucua ini.

Lucas 24:2

Nococaquin oianfo quini ahuun fupoita toquirininhuan tocoro man fupucua ini.

Génesis 50:5

Uhuun upa nataima ua yoia isca huaquin, “Diosin mia oiainno ua yoihuu min ua nuno mai huatamarocon uhuun shuni mai huanifo ano ua mai huahuun. Unfin na mai quini huaniquin min nanno ua mai huanon,” ishon uhuun upa ua yoiyamua. Nan mai Canaán ano. Faraón ua yoishocahuun uhuun upa ahuun caya un Canaán ano mai huai caicain. Ascatan Faraón ua nichiano uhuun upa mai huatani un samamashta nasoshquiran, —ishon José ato yoini.

Mateo 27:59

Ascaiton José Jesús ahuun caya pano oshopa sharacoinchi raconi.

Juan 11:38

Ascatan afanan Jesús ahuun ointi muran fasi shinancoinquin maia ano nocotan. Maiano toquirininhuan quini ano nocoshon yoiquin,

Juan 11:41

Ascaiton nicacaquin fupunshonifo. Fupushonafoanno nai foisinifoantan, —Upan, un mia cufia cuscan mian nicai. Un mia aicho huai.

Juan 19:41

Nii funuamamishti mapoa anoshon afi ano chaimashtashon Jesús mastanifo. Nannori mahua quini funa tsoacai a muran maiyomisima.