Mateo 27:52 - Sharanahua: Diospan Tsain

^52-53 Ascaino nan Diospan yorafo naacun mahua quini muran mai huanifo. Nan toquirinin huafo fupucui futsuaino Diosin afanan ato nimani. Ascashu Jesús funiaitian nanfori nan mahua quini murannoashu Jerusalén muran iquinifo. Ascaiton nanoa yora ichapafoan oinnifo.

Mateo 27:52 Referans Kwoze

1 Tesalonicenses 4:14

Jesús nafiashu afanan funini. Nan non icoinra huai. Ascan Jesús afanan oaitian icoinra huafo nan namisifo Upa Diosin atorifi funimashquin afu inonfo.

1 Corintios 15:20

Ascafia anorima. ¡Aicho! Iconcoin Cristo funini. Aafin funi tauniquin afanan nashquima. Ascan nantifi icoinra huafo funitirofo afu ipashcaquin.

Daniel 12:2

Nantiari yora ichapa namisifo funishquicani. Ascashu funitan Diosi icano a fu nipashquicani. Atirifoanri niyoshon tsoan Ifo Diosi nicapaimisima nanfofin rafipaishquicaniquin. Nanfohuunoa Upa Diosin shinanchacapacunacaquin.

1 Corintios 15:51

Tsoancai nicayomisifoma cuscara tsain shara un mato yoi. Tapipaiquin ua nicasharacahuun. Asca noncai atifi naima. Ascafia non nantifi fiananain futsushquin.

Hechos 7:60

Yoitan ratoconun mai chachishon oi ashcafinin yoini, —Ifon, ua chaca huafiaifoan ato numahuu. Ato rau huahuun, —ishon yoini. Yoitan nani.

Juan 11:11

Nannori noco yoitan Jesús afanan yoini isca huaquin, —Nocon yorahuan Lázaro oshafiacun un moimanicain, —huaiton.