Mateo 27:25 - Sharanahua: Diospan Tsain

²⁵ Nantififain cumanifo, —Nanscanon. A nai nocohuun nuunonquin. Nocon facufohuunri nuunon, —ishon yoinifo.

Mateo 27:25 Referans Kwoze

Josué 2:19

Min yorafo yoihuun non matoqui nocoaitian min pushu murannoashu chifi cainyamacahuun. Nan yora chifi caianfin naashquiquin nocohuucai nuama. Atohuun nuushquin nan naifo cuscan. Ascano min yorafo mi fu pushu muran icafo nocon caifoan ato ahuuscara huano nocohuun nuutiro.

Hechos 5:28

—Non mato cayacafi yoita Jesushuunoa man yosinonma. Ascafia man Jerusalén anoafo atoti man yoiacufaina. Man ato shinanmapai nonmain na nocofunu Jesús rutumaitaquin. Noco rafancaniran, —huaifoan.

Hechos 7:52

Maton shunifoan nantifi Diosihuunshon inon pacoai yoimisifo man ato omitsiscamapaoni. Inonpacoai yoimisi futsafoan yoinifo, “Nocon Numamisi isharamisi nocoqui oshquiquin,” ishon yoipaonnifo. Nanfoanri nocon shunifo man rutunifo. Man yoinifo cuscan nocon Numamisi shara nocofiacun nanrifi man rutuafo.

2 Samuel 1:16

Rutuataima David pushco Amalecita yoini isca huaquin, —Min chaca hua cuscahuunoa man min nai. Nan min tsainhuunshofin non mia rutuicai. Minfin noco tapimaquin isca hua, “Unfin nocon Ifo Diosin catoan mun rutua,” ishon min noco yoia. Ascan natian man min nairan, —ishon David yoini.

Éxodo 20:5

Nanscarafoquin ratoconun mai chachishon cufinyamacahuun. Uncaifin maton Diosiquin. Urus fustifin un maton Ifoquin. Manfin uhuun yorafoquin. Ahuara futsacai u fu maton diosi itiroma. Man futsa Ifohuapaiyaino man uhuun nomuran ua isinmatiro. Uncai ascarafohuunoa tapipaima. Man futsa ifohuaiton un mato onaintimatiro. Tsoan ua noicasmai aa non ahuun facufo non ahuun chata yafi ahuun shotafo non aton facufori un ato onaintimatiro.

Mateo 21:44

Unfin nan pushu quishi cuscaraqui. Futsafoan uhuunoa cayacafi tapimana cuscan icoinra huayamashu funocoinshcani. Un atoqui sinaqui omitsiscapanacafo muran un ato potashquin, —ishon Jesús ato yoini.

Hechos 18:6

Ascafia Pablonun ato yoifiaino nicatimanifo. Aqui tsain chaca huanifo. Ascaifoan aton ointaifi ahuun sahuuti pucatan tatan ani aton fuyamisi cuscara ato oinmaquin. Diosin tsain nicacasmaifoan ato oinmaquin. —Man ua nicacasmai. Ascan man omitsiscainocai uhuun nuama. Matohuunfin nuaquin. Diosin ua yonoa cuscan un mato yoifiaino man ua nicacasmai. Ascan un afanan mato yoitamarocon un nocon caifoma un yoi cairan, —ishon ato yoini.