Mateo 27:24 - Sharanahua: Diospan Tsain

²⁴ Ascaiton Pilato oian tsoan nicapaitama fasirocon mucai finaifoan. Masu fitan aton ointaifi muchoquimuni. Muchoquimutan ato yoini, —¡Oincapon! Uhuun nuama. Un Jesús cainmapaifiainocai man cainmapaima. Manrocon fasi rutupai. Ascan matohuunfi nuuaquin, —ishon ato yoiaiton.

Mateo 27:24 Referans Kwoze

Mateo 27:4

—Unfin chaca huaquin. Jesuscai ahua chaca huayamafiamisicun un ato parashon achimanaran, —ishon ato yoiaiton. Cumanifo, —Ahuuscaquitsi min noco anori yoiyoa. Noncai ascara tapipaima. Mififin min shinanquin, —huaifoan.

2 Corintios 5:21

Cristocai ahua chaca huayamafiamisicun Apa Diosin nocon chacafo amuran cuyoimani. Ascan ahuunoashu nan cuscara shara non inon.

1 Pedro 3:18

Cristocai ahua chaca huamisima. Nan fustifin sharaquin. Nantififain man non chaca huamisi. Cristo ahua chaca huayamafiamisishaquin nocohuunoashu nani nocon chaca noco soashoshquin. Afanancai nanacama. Noncai afanan ahua yopapacunacama nocon chaca soashonano. Man naafiashu Apan ahuun Yoshin Sharahuunoashu funini. Ascashon Apa Dios icari noco iyoshquin.

Mateo 26:5

Ascacun yoinifo, —Fusititiancai non achitiroma yorafo fasi mucacani nocoqui sinatiroforan, —icashu yoinannifo.

Hechos 3:14

Jesuscai ahua chaca huamisima. Sharacoinfiacun mancai caimapaitama. “Jesuscai caimatamarocon rutumitsamisi Barrabás caimahuun,” man iquita.

Juan 19:4

Ascano Pilato Jesús chifi cainquifainni oinonfo. Jesús sahuuti nanhuainqui pocoa ointsa sahuumatan mosha chainipafo maiti huashotan sahuumanifo. Ascashon Pilato, —Oicapon na nocofunu. Ucai ahuunoa ahuashta nicayomisima un chaca huapanan, —huaiton.

Mateo 27:54

Ascaino ranushumua niaifo yafi a futan Jesús cushuafoan mai naiyanaiyaicaino ahuara futsafori ahuascaraiton oincani fasi ratucoincaquin yoinifo, —Iconfinquin. Nanfin Diospan facuquin, —ishon yoinifo.

Mateo 27:9

Ascano nan Diosin tsain yoimisi Jeremías inon pacoai cununi cuscan natian man nanscacoin huaafo. Isca huaquin cununi, “Israelifoan yoinifo, ‘Non treinta toro inantiro nan nocofunun noco achimashocun,’ ishon yoiafo. Nan torofohuunshon cuti huamisiton ahuun mai fiafo. Uhuun Ifoan ua yononi cuscan un cuti huamisiton ahuun mai fia. Nanscarifi aqui nanfoanrifi aton torofohuunshon cuti huamisiton ahuun mai fiaforan,” ishon Jeremías cununi.

Mateo 27:19

Ato yocatan tsaoshon manani cumaifoan nicapaiquin. Ascaino ahuinin cunu fuma aqui noconi. Cunun yoiqui isca huani, —Nan nocofunu Jesús shara. Ahua chaca huamaquin. Ahuusca huayamahuu. Uhuun namapan un oian ahua chaca huayamafiashu omitsiscaiton oin urifi uhuun nomuran ahuunoashu un omitsiscacoinna. Ascacun ahuusca huayamahuu, —ishon Pilato ahuinin cunushoni.

Mateo 27:23

Ascaifoan Pilato ato cumani, —¿Ahuuscacufin? ¿Ahuamun chaca huaquin? —ishon ato yoiaiton. Ascafia fasi curushcain yoirianifo, —Mastahuun, nariscanon, —huanifo.

Juan 13:9

—Ascaiton, Ifon tauquisimaquian ua muchofain ua machonhuun, —huaiton.