Mateo 27:21 - Sharanahua: Diospan Tsain

²¹ Ascacun Pilato ato yocani, —¿Nan rafu ratocaimun man fuchipaiquin un mato caimashonon? —ishon ato yocaiton. “Barrabasquian,” huaifoan.

Mateo 27:21 Referans Kwoze

Mateo 27:20

Ascafiacun nocon yorafohuunshon Dios cufimisi niaifofo yafi Dios fu tsainti pushu cushumisifoan nanno ichananfo ato yosiquin isca huanifo, —Jesús noco cainmashotamarocon Barrabás noco cainmashohuun. Ascashon Jesús rutuhuu ishon Pilato yoicahuun, —ishon ato yononifo.

Mateo 27:22

—¿Un Barrabás caimashomun un Jesús nan Cristo Diosin catoan un ahuusca huaicai? —ishon ato yocaiton. Afanan nantifiton yoinifo, —Mastahuun, nanon, —huaifoan.

Mateo 27:17

Jesús ahua chaca huaiyamafiacun. A icai cuscan apaicaquin nocon niaifofo Jesusqui sinacaquin Pilato ano iyonifo. Nan acaifo cuscan Pilato man tapian ini. Ascacun Pilato nanno yora ichananfo yocani, —¿Ratocaimun un mato cainmashotioquin? ¿Barrabás iyamarai Jesús nan Cristo Diosin catoanran man huamisi? —ishon ato yocaiton.

Lucas 20:14

Ascano ahuun facucoin mau ano oaiton fuchinifo, “Ahuun facucoin oiquin. Non rutucoinon. Apa naano naafo ahuun facu ifoaiquin. Non rutunoncahuun. Afin aton apa fiama noncairocon non fianon,” ishon yoinannifo.

Lucas 23:13

Ascacun Pilato afanan ato cunani. Nocon yorafohuunshon Dios cufimisi niaifofo yafi niaifofo futsafori ichanan huashquin.