Mateo 27:19 - Sharanahua: Diospan Tsain

¹⁹ Ato yocatan tsaoshon manani cumaifoan nicapaiquin. Ascaino ahuinin cunu fuma aqui noconi. Cunun yoiqui isca huani, —Nan nocofunu Jesús shara. Ahua chaca huamaquin. Ahuusca huayamahuu. Uhuun namapan un oian ahua chaca huayamafiashu omitsiscaiton oin urifi uhuun nomuran ahuunoashu un omitsiscacoinna. Ascacun ahuusca huayamahuu, —ishon Pilato ahuinin cunushoni.

Mateo 27:19 Referans Kwoze

Mateo 27:24

Ascaiton Pilato oian tsoan nicapaitama fasirocon mucai finaifoan. Masu fitan aton ointaifi muchoquimuni. Muchoquimutan ato yoini, —¡Oincapon! Uhuun nuama. Un Jesús cainmapaifiainocai man cainmapaima. Manrocon fasi rutupai. Ascan matohuunfi nuuaquin, —ishon ato yoiaiton.

1 Pedro 2:22

“Ascan nantocai tsoa chaca huayamafain tsoa paramisima.”

Juan 19:13

Nicatan afanan Pilatonun Jesús chifi cainmani. Nantianri nocon caifo Israelifo fusiti iyocoshquin icaino. Nan Diosin oinmati nan afu imisiton aton shunifoan facu iyoafofo finonmani shinantanfafainpaonnifo. Fari masafinin racano Pilatonun Jesús iyoni anoshon aton shara aroshofafainmisi. Ano tsaoshon yocanshquin chaca huayamaraquin shara huacun. Nannoshon ato yonotiro onaintimaiyamaraquin nichimisi. Nanno anuni —Toquiri saparan, —huapaonifo. Nocon caifo Israelifoan ahuun tsainman, “Gabataran,” huanifo. Pilaton tsaoshon aton ointaifi Jesús cainmani. Cainmashon, —¡Oincapon! Naafin maton niaifoquin, —Pilaton ato huaiton.

Lucas 23:47

Ascaiton ranushumua niaifoan yoiquin. —Icocoinfinquin na nocofununcai ahua chaca huayomisima. Fasi sharacoin. Nan non oian cuscan nantifi Diosin acaran, —ishon ranushumua niaifoan yoini.

1 Juan 2:1

Uhuun yora mishtichin, un mato cunushoni man oinshon ahua chaca huanonma. Ascafia ahuara non chaca huacun Jesucristo apa noco yoishotiro nocon chaca soanon. Yoiquin isca huatiro, —Upa, un ato nashoniquin. Aton chaca soashohuun, —Apa huatiro. Atoncai ahua chaca huamisima. Afin shafacafi icaquin. Ascan Apa Dios noco yoishotiro nocon chaca soashonon.

Mateo 27:4

—Unfin chaca huaquin. Jesuscai ahua chaca huayamafiamisicun un ato parashon achimanaran, —ishon ato yoiaiton. Cumanifo, —Ahuuscaquitsi min noco anori yoiyoa. Noncai ascara tapipaima. Mififin min shinanquin, —huaifoan.

Mateo 2:22

Caaquin nica Herodes man naano ahuun facu Arquelao Judea murannoa niaifo nicai José musuni. Ascaiton Diosin oinmati afu nai muran imisiton afanan ahuun namapan yoini, —Judea muran caquima futsanori catahuun, —huani. Ascano Judea muran catama Galilea anori fonifo.

Mateo 2:19

Ascashu man Herodes naano Diosin oinmatinin afu nai muran icaton José ahuun namapan yoiqui isca huani,

Mateo 1:20

Nanscara ahuun nomuranshon shinanfiaino ahuun namapan Diosin ahuun oinmatinin afu nai muran imisi aqui oshon yoiquin isca huani, —José minfin David funaquin. Ascacun shinanchacaquima María fihuu. Nan facu nanuafin Diosin Yoshin Sharapan nanumanaquin.

Números 12:6

—Na un mato yoiai cusca ua nicasharacahuun. Uhuun tsain yoimisi mato muran ica umain ahuu cuscaraqui un yoitiro. Ahuun namapanhuunshon iyamarai namapan cuscarahuunoa un yoipaiyai cusca un nan yoimisi.

Génesis 31:29

Un chaca huapaiqui mia chaca hua cuana. Ascafia uhuun namapan min upa ahuun Diosin ua yoia, “Jacob tsain curush yoiyamahuun,” ua hua.

Génesis 31:24

Nan yamutan Labán ahuun namapan Diosin aqui oshon yoini. —Ua nicasharahuu. Jacob tsain curush yoiyamahuun, —huani.

Lucas 23:41

Non chaca huamisicufin noco mastafoquin. Asca Jesuscai ahua chaca huayamafiamisicun mastaforan, —ishon futsan yoini.

Génesis 31:11

Ascano nan namapan Diospan oinmati a fu nai muran icaton ua cuna, “Jacob,” ua huaiton. “Uquian. Un nunoran,” ishon un cuma.

Hechos 12:21

Ascaiton, —Ato yoihuu un samamashta atofu tsainnon, —ishon yoini. Chipo aqui funifo. Sahuuti sharacapacoin niaifoan sahuumisi cuscara sahuuashu tsaoan ini. Ahuun tsaoti ano tsaoni ato yoishquin. Tsain ichapa ato yoini.

Hechos 18:12

Ascatan Acaya mai anoa Galión aton niaifo. Nantianri Israelifo ichanannifo Pablo achishcaquin. Achishon ato niaifo ano iyoshquin.

Hechos 18:16

Umaquinoashu fotacahuun, —ato huani.

Hechos 18:17

Foaifoan Sóstenes ichananti pushu ifo achinifo. Achicashon niaifofoan aton ointaifi sutunifo. Asca huafiaifoanno niaifon Galión ato pusanima. Atohuunoa tapipainima.

Hechos 25:6

Ascan huatan atofu osha mucu rafuti iyoni Cesarea ano nasocurani oni. Iyoconaino ato ichanan huani. —Pablo uqui ihuucahuun, —ishon Festopan ato yononi.

Hechos 25:10

—Ma. Nuno Romanofo aton niaifoan yoitiro un chaca huaa iyamarai un chaca huama. Minfin tapisharaquin uncai uhuun caifo Israelifo un chaca huamisima.

Hechos 25:17

Ascano ufu fuyamuafo nuno Cesarea anoshocai un ato manayamuama. Iyoconaino un ato ichanan huama. Nocofunun ahuun anu Pablori un iquimani.