Mateo 26:67 - Sharanahua: Diospan Tsain

⁶⁷ Asca huatan ahuun fusoqui cumo michofain sutufain futsan tapasni. Ascashon cashu mutsama huacaquin.

Mateo 26:67 Referans Kwoze

Juan 18:22

Ascaiton ranushumua afu niaton tapastan. —¿Ahuuscain nocon niaifo min anori aquimun? —huaiton.

Mateo 27:30

Ascashon aqui cumo michofain ahuun poquiti fiantan ahuun coshapacunifo.

Marcos 14:65

Asca huatan ahuun fusoqui cumo michofain funushfain sutunifo. Sutucashon cashu huanifo, —Min Cristomainquin min nantifi tapicoian. Ascan tsoan mia sutuamainquin noco yoihuu, —ishon cashu mutsama huanifo. Ascatan ranushumuafoanri Jesús fasi coshanifo.

Mateo 5:39

Nocon shunifo nannori yonofianicun un mato tsain futsa yoiaiton ua nicacahuun. Tsoan mato chaca huafia ato copiyamacahuun. Mato tapasaiton ato copitamarocon nanno nishohuun mia ocuma futsari afiaiton tunuhuu.

Hebreos 12:2

Ascacun non Jesús fusti shinanfafainoncahuun. Nanfin noco Ifocoin noco tapimamisicoinquin. Ascan nanton noco ismaquin tau huani ahuara ahuuscarafiaino non Dios icoinra huacoinnon. Ascashon Apa yoia cuscacoin huacoinpaoni. Ascacun norifi non ahuun caononcahuun. Ascashon nan mastacaquin yorafoan ointaifi rafini huanifo. Asca huafiaifoanno fasi omitsiscafiaquin tunucoinni manmain tapiashu chipo nocon Numamisi icain. Nanscara tapiashu fasi unimacoinni.

Juan 19:3

Ascashon aqui cashucaquin. —¡Aicho! Minfin Israelifoan aton niaifoquin. Min chai niyopacupainon, —huatan fupasiriani.

1 Corintios 4:13

Ascashori noco roaifoan rahuinmafain non tsain shara ato yoitiro. Ascacun natianri noco chaca huafoquin. —Manfin nan tanama cuscarafoquin, —ishon nocohuunoa yoimisifoquin.

Marcos 10:34

Nanfo uqui cashupaicain uqui paran nashquicani uqui cumo michofain ua fichi cunoquin tuchiaton ua coshashcani. Ua asca huacatan ua ihui coyan iquinanqui mastashcani un nanon. Ascafia osha rafu non fusti finontan Upa Diosin ua afanan funimashquiran, —ishon Jesús ato yoini.

Números 12:14

Nannori cufiainton nicaquin nocon Ifoan Moisés yoini, —Min chipi ahuara fasi chaca huaiton maton upa ahuun fusoqui cumo micho cuana. Ascan min yorafo tapiquin chipi chaca huacun ahuunoa shinanchacatiro. Ascan chipi rafipaiyaino man chipi matomaquishon pushu rasi pasoato pota cuana. Ascano siete dia oshatan finoanno afanan matoqui naso cuana. Ascan natian nanscarifi huaquin man icanoshon chipi potayocahuun. Siete dia osha finoanno afanan matoqui nasotiroran, —ishon nocon Ifo Diosin Moisés cumani.

Mateo 26:68

Yoinifo, —Min Cristomainquin min nantifi tapicoian. Asca tsoan mia acamainquin noco yoihuu, —ishon cashu mutsama huanifo.