Mateo 26:56 - Sharanahua: Diospan Tsain

⁵⁶ Ascafia nan man ua acai cuscan Diosin tsain yoimisifoan uhuunoa cununifo cuscan nanscacoin man ua huairan, —ishon Jesús ato yoini. Ascaino non afu rafuafo nantifi non amaqui ichoni.

Mateo 26:56 Referans Kwoze

Juan 16:32

Ascafia chipo umaquinoashu man pashcafainicai. Maton pushu ano man cai. Icon natian man ua potafainicai. Tsoacai ufu nituima. Man ascafiainocai urusu un nituima. Man umaqui cuyofofiaino uhuun Upa fu un patanain.

Mateo 26:31

Ascashon afanan noco yoini, —Na yamutafin nantififain man ua potafaini ichoi caiquin. Diosin tsain cununi isca huaquin, “Unfi chashoanfo cushumisi rutuicain. Ascaino chashoanfo ichoi futsucaniran,” icashu cununi. Nanscarifiai ua rutuaifoanno na yamutan man uhuunoashu ratufaini ichoicai.

Mateo 26:54

Ascan uafin uhuun Upa Diosin ahuun nai oinmatifo ua nichishotiroquin ua cushui funonfo. ¿Ascafia ahuuscashumun Diosin tsain uhuunoa cununi cuscan un yorafohuunoashu natiromaquin? Ascan uncai Upa Dios cufima ua ahuun oinmatifo afu icafo ua cushunon, —ishon Jesús ato yoini.

2 Timoteo 4:16

Ascan ua tau huaquin niaifofo ano iyonifo tsoancai uhuunoa yoisharanima. Nantifi ratucaquin ua potafaini focaquin. Ascacun Upa Diosin ato onaintimayamapainon.

Hechos 1:16

Isca huaquin, —Uhuun yoramishtichin ua nicacahuun. Judaspan ato tapimaita ahuuscashomain nocon Ifo Jesús achicanicain. Nocon shuni David Diospan Yoshin Sharahuunshon inonpacoai cunuyoni cuscan Judaspan man aca.

Mateo 26:24

Ascan Upa Diosin tsain inon pacoai uhuunoa cununi cuscacoinfin un naicain. Ascafia nan nocofunun ua ato achimanai cainyamanifin shara icuanaquin, —ishon Jesús noco yoiaiton.

Hechos 2:23

Ascafia Upa Diosin inon pacoai cuscan shinanni cuscan mato ahuun Furun inanni man rutunon. Manfin nocofunu chacafo futan ihui coyan iquinanqui mastaitaqui nanon.

Génesis 3:15

Nan un mia yoiai cuscafin ainfo fu min noincasmatananpacunacaquin. Nan chipo oniafo furifin min noincasmatananpacunacaquin. Min ato tau chichoco nasaiton mia mapo coshapacunacaforan, —ishon yoini.

Mateo 21:42

Jesús afanan ato yoiqui isca huani, —¿Diosin tsain cununi cuscan man man oinmisimamun? Isca huaquin cununi, “Pushu yonomisifoan pushu quishi shara potanifo. ‘Nan sharamaran’ ishon potafiafo pushu ifoan afanan fiini nanhuunoashu pushu mutsisipa inon.” Nanscarifiai niaifofoan Diospan facuhuunoa isca huaqui yoishquicani, “Nacai ahuama. Sharamaran,” ishon yoiqui potashcani. Ascafia Upa Diosin ahuun facu catoan ahuunoashu nantifi ahuun yorafo nipanonfo. Ascacun non yoitiro “Diosin Furunhuunshon aca cuscan fasi shararan,” ishon cununi.