Mateo 26:24 - Sharanahua: Diospan Tsain

²⁴ Ascan Upa Diosin tsain inon pacoai uhuunoa cununi cuscacoinfin un naicain. Ascafia nan nocofunun ua ato achimanai cainyamanifin shara icuanaquin, —ishon Jesús noco yoiaiton.

Mateo 26:24 Referans Kwoze

Lucas 24:46

Ato yoini, —Diospan tsain cununi isca huaquin, “Cristo nan Diosin catoan naafiashu afanan osha rafu non fusti finontan funishquin.” Ascacun uhuunshon ato yoifoanfafaintacahuun aton chaca shatucashon shinansharaifoan un ato chaca soashonon. Jerusalén ano ato yoiqui tau huatacahuun. Ascashon nan manifoati ato yoifoanfafaishcaquin.

Mateo 18:7

Ascano nan icoinra huamafoan futsafo chaca huamamisi. Ascafia nanfocaifin fasi omitsiscacoinshcaniquin. Ascashon mato chaca huamapaifafaincani. Ascafia nan futsa chaca huamafocaifin fasi omitsiscai finacoinshcaniquin.

1 Corintios 15:3

Diospan tsain yoini cuscan Cristo noco nashoni nocon chaca soashoshquin. Yoiari Cristo osha rafu non fusti maiyoni. Ascatan afanan funini. Funiashu Pedroqui nocoi tauni. Chipo afu rafumisifo docequi noconi. Ascaiyotan chipori quinientos icoinra huafoqui noconi. Ascan natian nantificuana niyoafo. Fustirasi naino. Ascashu chipori Santiagoqui noconi. Ascashu chipo afanan afu rafumisifo doce noconi. Nannori ua tapimani cuscan urifi matori tapimayoni.

Juan 17:12

Un atofu iyoshon un ato cushushara. Minhuunshon un ato cushushara. Un tsoanshta funoama. Nan Satanás ahuun facu fusti funoa. Min tsain yoiyoni cuscan nan fusti funoa.”

Lucas 22:22

Ascan Upa Diosin tsain inon pacoai uhuunoa cununi cuscacoinfin un naicain. Ascafia nan nocofunun ua ato achimanai cainyamanifin shara icuanaquin, —ishon Jesús ato yoini.

Marcos 14:21

Unfin Diosin ariashu nuno mai ano fotoniquin. Un nocofunucoin cainshquin. Diosin tsain uhuunoa inon pacoai cununi cuscan un nai cai. Ascafia na nocofunun ua ato achimashufin arifi omitsiscapanacaquin. Caianmafin shara icuanaquin, —ishon Jesús ato yoini.

Mateo 26:54

Ascan uafin uhuun Upa Diosin ahuun nai oinmatifo ua nichishotiroquin ua cushui funonfo. ¿Ascafia ahuuscashumun Diosin tsain uhuunoa cununi cuscan un yorafohuunoashu natiromaquin? Ascan uncai Upa Dios cufima ua ahuun oinmatifo afu icafo ua cushunon, —ishon Jesús ato yoini.

Marcos 9:12

—Icon. Elías rucun oitautiro. Oshon nantifi isharamapai aton chaca shatunonfo. Ascafia tsoan onannima. Juanfiacun tsoan onannima. Nan chaca huapaiyai cuscan chaca huanifo. Nannori ahuunoa cununi cuscan. Nanscarifi aquin unfin Dios ariashu un nocofunucoin cainfianicun ua omitsiscamacani. Nannori Diosin tsain yoimisifoan uhuunoa cununiforan, —ishon ato yoini.

Mateo 26:56

Ascafia nan man ua acai cuscan Diosin tsain yoimisifoan uhuunoa cununifo cuscan nanscacoin man ua huairan, —ishon Jesús ato yoini. Ascaino non afu rafuafo nantifi non amaqui ichoni.

Hechos 28:23

Ascatan —Non chipo mifu ichanantiroran, —huanifo. Ascano yora ichaparasi Pablo icano funifo nicacani. Funamanri yoitiashon ato yamu huani. Upa Diosin iquinaino ato yoifain Moisés cununi cuscan yafi Diosin ahuun yoishomisi futsafoanri Jesushuunoa cununifo cuscan ato icoinra huamapaiquin.

Hechos 4:28

“Uhuun facun nantifi yorafo omitsiscashoshquin ato nashonon,” ishon min shinanni. Min ahuamamishti huatiro. Ascan min shinanyoni cuscan huaitafo.

Hechos 2:23

Ascafia Upa Diosin inon pacoai cuscan shinanni cuscan mato ahuun Furun inanni man rutunon. Manfin nocofunu chacafo futan ihui coyan iquinanqui mastaitaqui nanon.

Juan 19:28

Jesushuunoa Diosin tsain cunuyonifo cuscacoin acoincun onanshon Jesús yoini, —Un nomicoinran, —ato huani.

Juan 19:24

—Fashnuyamacahuun. Nanscara muma shara non finon. Non aya cashutihuun aqui numero nuupacua potashon futsa shuhuianton ahuun sahuuti ashcapari chichia fitiroran, —icashu yoinannifo. Nannori Diosin tsain Jesushuunoa inonpacoai cuscan aqui cunuyoni isca huani, “Uhuun sahuutifo aya cashutihuun aqui numero nuupacua potashon futsa shuhuianton uhuun sahuuti finonran,” ishon inon pacoai cununi. Ascano ranushumuafoan nanscacoin huaquin.

Génesis 3:15

Nan un mia yoiai cuscafin ainfo fu min noincasmatananpacunacaquin. Nan chipo oniafo furifin min noincasmatananpacunacaquin. Min ato tau chichoco nasaiton mia mapo coshapacunacaforan, —ishon yoini.

Mateo 26:31

Ascashon afanan noco yoini, —Na yamutafin nantififain man ua potafaini ichoi caiquin. Diosin tsain cununi isca huaquin, “Unfi chashoanfo cushumisi rutuicain. Ascaino chashoanfo ichoi futsucaniran,” icashu cununi. Nanscarifiai ua rutuaifoanno na yamutan man uhuunoashu ratufaini ichoicai.